無聲遊戲: 三十四．監察者
飽嚐獸慾之後，我確認Sukie已經失去意識，就消去所有觸手。Sukie憑空失去支撐，滿佈黏液同精液嘅身體跌落地下，搞到地下都濕咗一撻，而佢就再無任何反應。我著返好衫，又再繼續逃命之旅。好彩之後我都無再遇到任何Agent，順利咁離開咗呢個區域。
我安全之後就諗起Debbie，唔知佢情況點樣。我攞起手機，打咗個電話俾佢，但係無人接聽。可能佢仲帶緊班Agent遊花園，唔方便聽電話住，咁我唯有遲啲先再打俾佢啦，都係先搵返個落腳點安頓咗先。
另一邊廂，Debbie嘅電話響起，但係佢根本唔得閒接聽。佢正陷入苦戰之中，或者更正確咁講，係喺度捱緊打。話說Debbie帶住班Agent走咗一段時間，正停低咗喺度搜索，佢心諗都應該拖得夠耐，自己係時候脫身走人。呢個時候，有一個身形高大嘅女性出現咗喺佢面前，對佢講：「Agent Debbie，我係奉命嚟帶你返去嘅，你跟我走啦。」
Debbie打量眼前嘅人，來者不善，手中攞住一把巨斧，輕鬆咁舞動，睇嚟有返咁上下實力。先發制人？唔得，無辦法攻擊佢。都正常嘅，睇樣對方都係Agent，Agent之間係唔可以互相攻擊。不過咁即係話對方都唔可以攻擊Debbie，咁大家就無所謂打贏打輸，只有走得甩同走唔甩。叫得郁Agent奉命嚟捉佢嘅係邊個，Debbie心中大致都有個譜。但係其他嘅都係後話，最緊要而家走甩先，唔好俾人捉個正著。
但係Debbie嘅第一個假設就錯咗，對方反轉斧頭，用斧背打向Debbie。勢估唔到對方居然可以向自己攻擊，Debbie左手硬食咗一下重擊，痛到成隻手無晒力。
「你，點解．．．」Debbie係慌忙之下急退幾步，嘗試重整姿態。
「點解可以攻擊你？有無聽過Executor？」對方慢條斯理咁答，但係攻擊並無停止。
Debbie只喺傳聞中聽過嘅Executor，本身都係Agent，但係俾監察者加諸身上嘅規條只有一條，就係唔可以攻擊監察者。換而言之，佢可以攻擊其他Agent，但係其他Agent唔可以攻擊佢。咁屈機嘅設定，令佢成為對付Agent嘅最強武器。
喺單方面被打無得還手嘅處境之下，發展可想而知。最後，Executor再一下重擊，打落已經傷重嘅Debbie後腦。Debbie就咁跌咗落地，俾一眾Agent帶走。
我之後繼續嘗試聯絡Debbie，但係一直都唔成功。等咗幾日，亦唔見佢有聯絡或者嚟搵我。我心知佢好大機會出咗事，但係唔知可以做啲乜，又或者可以去邊度搵佢，唔通周街貼大字報尋人咩？茫無頭緒之下，我試過返去間酒店附近搵，但係當日嘅成班Agent已經不復見，亦無留低任何線索。就喺我陷入絕望嘅時候，我收到久違嘅，由Operator發俾我嘅訊息。訊息嘅內容好簡單，係一個地圖上嘅位置，而位置上面標明嘅，係Agent Debbie。
先唔講我到而家都搞唔清呢個Operator係何方神聖，就算呢個唔係陷阱，Debbie目前所在嘅地方都恐怕會係龍潭虎穴，九死一生。但係我仲可以點？唔通等增援呀？乜地方都好，只要有可能搵到Debbie嘅，我都只有去試一試啦。
距離地圖上標示嘅位置越嚟越近，我打醒十二分精神留意四周，召喚定件天馬座聖衣出嚟，準備好隨時戰鬥。奇怪嘅係周圍完全無任何Agent或者類似守衛嘅人，事實上，係連一個人都無。喺標示嘅地點，只有一塊圓形嘅金屬板，上面有一個類似魔法陣嘅花紋。我去到金屬板前面，仲猶疑緊係咪要踩上去。突然背後好似唔知俾乜嘢人推咗一下，失咗重心，一隻腳向前踏咗喺金屬板上面。
跟住就係最老土嘅一陣強光過後，眼前嘅景色完全改變，似乎就係踩中咗傳送間啦。總之我已經身處一間全白無窗，好似研究間咁嘅嘅大房之中。房入面有一個十幾米長嘅螢幕，螢幕上面分做好多個小螢幕，似乎係唔同地方各種人嘅生活狀況，個個都係木口木面，粒聲唔出。喺螢幕前面坐咗一個身穿白袍，身形高佻嘅中年男人。
「歡迎你，我就係發訊息俾你嘅Operator喇。」男人嘅神情有啲頹，未等我開口，已經先行自我介紹。一直神秘莫測嘅Operator居然現出真身，我自然有一大堆問題想問佢。但係喺呢一刻，我最記掛嘅係不知身處何方嘅Debbie。
「Debbie佢人呢？」
「你可以放心，我無呃你嘅。」Operator揮一揮手，間房嘅天花板就打開咗一個窿，而雙手被扣住，全身赤裸嘅Debbie就由個窿慢慢俾鐵鏈吊咗落嚟。Debbie竟然係俾Operator捉走咗？呢一嚇真係非同小可，但係點都好，我嘅焦點都係喺Debbie身上。佢睇嚟意識完全清醒，碌大對眼望住我，但係無開口講嘢，亦完全無任何動作。
「呀，我都唔記得咗，我未解開佢講嘢嘅禁制添。」Operator望向Debbie，口中念念有辭。Debbie跟住就好似打開咗開關咁，大聲向住我叫：「小心呀！佢就係監察者嚟啦！」雖然可以開口講嘢，但係Debbie嘅身體仍然動彈不得，一隻手指頭都郁唔到。
「哈哈，Agent Debbie就算得返把口都唔放過我，搞到咁快就穿咗崩添。算啦，遲早你都會知㗎喇。係呀，再次介紹，我就係監察者，亦係Operator。」男人苦笑一下，又再向我自我介紹一次。但係今次俾我嘅震撼，比上一次更強烈。眼前嘅竟然就係終極大佬，我係咪應該唔理三七二十一撲上去收拾佢？但係Debbie仲喺佢手上，咁會唔會令Debbie有危險？再講，我都完全仲未摸清對方嘅實力，就咁郁手未免太魯莽。
「你話你就係Operator？即係Operator就係監察者？」思前想後，我都係決定先同佢對話，打探一下虛實先。
「無錯，全部都係我。如果你唔信嘅，我可以數一數寄過俾你嘅嘢。首先係你喺露台同Danielle嘅精彩片段、教你召喚道具嘅片段，跟住係寄去你公司電郵嘅你嘅資料，最後嘅當然就係嚟呢度嘅傳送門嘅位置啦。」
「如果你問我點解要做呢啲嘢，咁係因為你係我喺咁多個副本裏面，見過最有潛力嘅bug。橫掂我哋都分享咗一部分囉，我咪索性用個網名，間中幫你一把，睇吓你可以行到幾遠囉。」
監察者講嘅乜鬼嘢副本乜鬼嘢分享，完全聽到我一頭霧水。點都好，既然係終極大佬，咁呢個世界嘅突變就同佢一定有關係。
「你究竟點解要搞到個世界變成咁？」聽到我咁問，監察者只係淡然咁答：「變成咁？無變啊，呢個世界本來就係咁㗎喎。」唔係化，明明我就親眼睇住個世界由人人有自己思想變成集中操控，你都可以對住我明目張膽話無變過？邊有人咁㗎，咁無恥都有嘅？不過咦，諗諗吓又唔係喎，我以前都好似見過好多啲咁嘅人．．．可能，佢都喺我同鄉喎。