我係復合專員: 我男朋友好撚窮

客戶資料

姓名：陳善希

年齡：22

三圍：32B、24、28

職業：大學畢業生(職業不透露)





感情經歷：A1

我同佢約喺某間Cafe，今次我好唔專業地遲過佢到。

我坐低：「Sorry啊啱啱塞車。」

「唔緊要。」佢笑咗笑。

「想問下有咩問題呢？」





「冇啊，我都唔知點解佢可以咁窮，明明大家都係Fresh grad。」

「Okay，咁我想問佢銀包同銀行戶口大概會有幾多錢？」

「銀行一萬幾，銀包就百零蚊囉。」

「咁都好簡單啫。」

我拎個銀包出嚟比佢睇，裡面得一張五十蚊。





我再拎電話出嚟打開銀行App，然後撳入去睇餘額。

餘額係銀包嘅四倍，即係二百蚊。

佢睇完之後呆咗一陣，然後扤咗扤頭。

「想再問一樣嘢。」我收埋電話。

「係？」

「想問佢有冇送下禮物比你咁？」

「有啊。」

「咁都幾好。」我繼續講：「淨低嘅交比你哋自由發揮啦。」





幾日後

「你哋復合咗未啊？」我喺Whatsapp問佢。

「復合咗啦。」佢覆我：「嗰日之後我覺得佢其實都唔係好窮啫，都有錢過好多人，仲有錢送下禮物比我。」

「咁就好啦。」

知唔知咩係相對論？

唔知唔緊要，總之有唔有錢呢啲嘢係比較出嚟。

沒有比較，沒有傷害。





幫世間嘅情侶復合，係我嘅使命。

你好，我係復合專員，歡迎幫襯我，不過只限女仔。

點解？用你個死人腦諗下啦。