我係復合專員: 我男朋友係被虐狂

我男朋友係被虐狂

客戶資料

姓名：歐陽巧晴

年齡：28

三圍：34B、26、30





職業：失業中女

感情經歷：A5

我同佢相約喺旺角嘅一間Cafe，出面就係彌敦道。

「想問有咩問題呢？」我問佢。

「我男朋友…」佢似乎有口難言。





「放心講出嚟，我係專業架。」我整咗整件衫。

「我男朋友…」佢猶豫咗一陣：「係被虐狂。」

「即係重M底？」我要確認一下。

「係。」

「仲有冇補充？」





「佢同我出街會叫我摑佢之類嗰啲，但係我仲鍾意佢嘅，而佢都想復合嘅。。」

「明白。」我起身：「咁你喺到等我一陣。」

我喺某間樓上嘅情趣用品店買咗條SM用嘅狗帶，然後就返咗去。

我將條狗帶擺喺枱面：「呢個係我哋一間要用嘅道具。」

「認真？」佢有啲唔敢相信。

「認真。」

「想問要點做？」

我將個狗環扣落自己到，然後將揸手嗰邊遞比佢：「拎住佢，然後出去沿住條彌敦道一直行。」





佢猶豫咗一陣：「好。」

我埋咗張單之後，就同佢行咗出去。

一開始我比佢拖住行，已經有人開始圍觀同影相，佢都開始有啲尷尬。

行咗陣我就開始爬，佢都開始越行越慢。

最後我開始吠，佢行多幾步就已經頂唔順，就咁揼低我跑走咗。

「之後你哋自由發揮啦。」我喺Whatsapp同佢講。

幾日後。





「你哋復合咗未啊？」我喺Whatsapp問佢。

「復合咗啦。」佢覆我：「嗰日之後得覺得佢啲情趣都幾正常，而家我直頭可以話係Enjoy。」

「咁就好啦。」

知唔知咩係相對論？

唔知唔緊要，總之M唔M呢啲嘢係比較出嚟。

沒有比較，沒有傷害。

幫世間嘅情侶復合，係我嘅使命。

你好，我係復合專員，歡迎幫襯我，不過只限女仔。





點解？用你個死人腦諗下啦。