時光突然倒流，打完飛機啲精縮返入龜頭: （25）

月亮東降，太陽西升。

我老豆帶住我老母，騎住我呢匹馬，嚟到一個大草原上撲蝶嬉戲。

啲蝴蝶飛得好快，二人要用全速先追得到。

本應浪漫嘅場面，睇落卻有啲滑稽。

撲完蝶，我就載住佢地兩個，嚟到一棵梅花樹下。





四周飄散住梅花嘅清幽芬香。

而散落於地上嘅梅花，逐塊逐塊咁升上半空，接合到樹枝之上。

項羽同虞姬坐到樹下，攬埋一齊，相互依偎。

我傍喺二人身邊，感覺就好似睇緊老豆老母以前拍拖嘅經歷。

殊不知，項羽突然吹響一聲口哨。





一秒後，我嘅身體再次啟動，向後極快狂奔。

我一路跑，一路望住樹蔭下嘅項羽同虞姬，距離我越嚟越遠，身影變得越嚟越細，直至細到再都睇唔到。

由於我係背住咁倒後跑，所以都唔知自己會跑去邊。

我淨知周圍嘅環境變得越嚟越昏暗。

好快就暗到乜嘢都睇唔到……