我在英倫身兼數職的日子: 第七章： 北部戰區圍爐日子，身很累但過得快樂
成功收到offer 後就resign 現在那份工， 由於全程work from home, 電腦都寄返公司就得， 休息一星期後， 期間買多部車比我揸上北部返工， 從此我要挑戰日揸六個鐘既職業司機生崖（轉左行咁）。
職位又係engineer, 老細話既然你上份工都係呢個title, 試吓啦。從此我就由sql 轉寫python。language 都係其次，其實返工既日子一點都不容易， 起初返星期一二四，每朝就要5點起身， 5 點半出門口， 一直揸到8:30 泊好部車返公司， 我有試過遲一點出門口， 但入城超過8點就好塞， 所以早啲返公司。放工好彩唔塞車的話7 點零就返到屋企， 唔好彩試過塞車8點幾先返到。 每日5點一直到8點， back to back星期一返完星期二再返， 都咪話唔辛苦。
好多人話唔鐘意英國既冬天, 因為日短夜長， 冬天朝早8 點先天光， 下個3、4 點就天黑， 返工日子真係由天黑揸到天黑， depression 一定有， 唔慣都一定， 但好彩既係老細好人， 佢又請到成條team 都係香港人（BNO visa 剛出了）， 我圍爐圍得開心， 老細佢會頂， 佢handle 既手法都好香港人既手法， logical and making sense， 所以返工係辛苦但我都感覺值得。
一個成功既leader 係會不著痕跡地令到下屬去甘心併命，正所謂得民心者得天下， 而民心之所向係自願而非自講自說。因為圍爐同要返office 既感覺, 工作時都係用廣東話同國語多，令我更似回到香港時候 。
講到同台灣team 夾， 我曾經有種憧憬， 台灣最美的風景是人情吧， 但接觸過呢度既台灣team 就唔係呢種感覺， 唔通真係好似日本咁， 永遠去旅行去消費係最好， 但講到去搵食， 日本工作文化做到過勞死同階級觀念唔係人人都接受到。 講返同台灣同事夾， 當中那邊已有一個做左幾年既台灣engineer, 一黎就起哂「剛」， 問親野就耍太極，但樣樣就霸住黎做。事實上我都算係職場上打併左十幾年既old seafood , 唔通我唔知你想點咩， 職級上我老細係騎住成條台灣team, 我哋又人在英國呢邊， 台灣只係support 性質， 好自然老細都想將台灣既野慢慢shift 返哂過英國， 台灣又有時差，英國時間上support 返公司都好正常， 但就因為呢個舉動令到我哋同台灣team 正面交峰， 即原來港台矛盾原來一早已經發生， 仲早過在台灣處理香港移民上， 一場職場矛盾即將展開， 作為old seafood 既我應該點樣避呢？