我在英倫身兼數職的日子: 第二章: 落腳settle 至搵到第一份工
2020年當香港人人開始帶口罩既時候我就準備舉家移民， 有人會話留返層樓唔賣收租唔好咩？ 我就覺得要take side, 做騎牆派二五仔唔會有好結果， 所以一毛不剩咁離開先叫移民。此外，你看好日後美麗新香港就唔會走啦， 走得就自然覺得其他地方比較好，咁仲留資產在一個你看淡既地方其實好矛盾，股票又好不動產也好都要走，以後回來都只會係旅行嘅過客。
又會有好多人問點解選擇英倫而唔係老美澳加， 呢點都好多人成日會問， 首先老美做IT 人工最高， 但醫療同小朋友返學全部自費， 後生無病無痛還好， 有事上黎就麻煩， 當你遇到親人五張幾就被醫生放棄治療，而原因係因為太老唔醫， 你就唔會選老美， 都已經唔講咩槍械校園呢啲嘢。
另外澳加單睇每年既GDP 同市場既類型，世界排名十幾，同英美無得比， 加上香港最類似既金融專業服務型經濟在倫敦，所以英國先係首選（ 其實係我無選擇...）。雖側你未必係做相關行業，但週邊發展既行業相類似既一定係倫敦， 澳洲鑛產和農產行業，香港人識條鐵，相關行業一定缺乏經驗，至於話到時做倉做食肆sales, 咁就不在此考慮，因為度度都係最低工資無野好比較。
講返到步後在英倫遇到既第一件事就係全國封城， 留在屋企咩都做唔到， 但我都唔急於搵工， 要安頓好晒一家人再加上英國既效率， 3-4 個月閒閒地， 直到移英第六個月就開始搵工， 當初好似所有人介紹一樣搵indeed, 以為好似香港既Jobsdb, 點知係南華早報一樣， 全部都係濕9 工， 做support ， consultant 搵笨就多， 最後我更新執靚左LinkedIn後有一個job agent 搵， 佢個subject 仲要係 we do data , 就咁樣成功安排到第一次interview, title 係data engineer, 講真我在香港未做過engineer , 大部分公司都無呢個title, analyst 就多， 我估大概都係比較technical掛。
講到呢度我又想講下人在外地既定位， 在香港做IT 除咗被人當做狗之外， 所有人包括HR 都覺得， 你未做到manager 叫唔到呢個人工， 所以人人都搶住上位， 粗粗地 PM都係manager。坦白講Manager 既定位係facilitate 成team 人， 對上對下都好你溝通唔夠好難做到， 簡單啲講你英文系畢業都唔會夠呢度訓街既英文好， 所以由此開始返去做多啲technical 做code 狗毒L 唔出聲， 也許會係呢度生存之道。