我在英倫身兼數職的日子: 第一章: Begin!
先介紹我自己， 我叫呀鈍， 英文名Ton, 好多人叫錯我做Tom, 外國畢業回來香港自第一份工起就做data analytics , 做左十幾年升到上manager，人工還可以， 好彩08 海嘯前已自置物業， 但呢啲都唔係重點， 重點在2019 年除左香港既改變， 仲係我人生既改變， 在此之前得知居英權可以舉家移民後就開展左我移民英倫既計劃， 三軍未動糧草先行， 第一步當然係賣自住樓， 在樓市仲gogogo既年代有幸都賣到過千， 有了資本就隻身飛過去英倫睇樓， 飛去三日兩夜已成功搵到樓落左offer ， 重點係人生第一次可以full pay 買樓， 呀唔係樓， 係屋， 一間過千尺既屋仔輕鬆拿下， 咁就開展我英倫之路
下一章， 落腳settle 到第一份工