中六個年 我鍾意左叫我起身個女仔: 籃球比賽(四)
佢見我嚟到佢面前，就加快左腳步，仲用埋一堆運球技巧諗住過我，但係我就好似膠水咁黐住佢。
隨住佢嘅動作越嚟越快，運球嘅穩定度都逐漸降低，係我無間斷嘅騷擾之下，佢終於出現失誤，佢左手一跣，個波就離開左佢嘅控制範圍。
佢原本想控返個波，好可惜我仲快過佢。
見佢地跑緊返嚟回防，我嘗試加快步伐，但係我始終唔夠佢地快。
上籃係冇可能，我仲可以做咩？
係千鈞一髮之際，我諗到一個最賤嘅方法。
我係籃底急停，面向球框起跳，扮要射，但喺個波就離手嘅一刻，我將個波用力咁掟向跑緊過嚟嘅陶鎧。
呢一個舉動超出左佢嘅預期，他根本嚟唔切反應，個波打咗落佢塊面到然後反彈，係籃底側邊飛咗出界。
雖然好賤，都浪費咗一次投球得分嘅機會，但係陶鎧因為食咗個波餅而開始頭暈，要換球員。
但係佢地根本就冇後備球員，所以佢地被逼要退賽，而我哋就自動勝出，只需要等下一場比賽。
係看台上面嘅向晴比左個大大嘅「Like」我，但係我就有啲內疚，因為呢個唔係我靠實力換返嚟嘅勝利。
不過，我已經熱完身，下一場我一定要用實力將對手…一一擊敗。