中六個年 我鍾意左叫我起身個女仔: 籃球比賽(三)

球證吹哨，雖然話我嘅四個隊友都同樣有米六，但係負責跳波嗰個嘅彈跳力堪比NBA選手，就算對手係一米八嘅巨人，都只能任由佢拎走呢個係半空嘅籃球。

前腳啱啱落地，佢就好似開咗引擎咁，向住對面個籃勁快咁衝過去。

佢跑嘅速度無野可以挑剔，根本冇人可以追到佢，但喺佢嚟到籃底，準備上籃嘅時候…

「呯！」

個波比人攔左落嚟，即使佢跳得好高，但係佢本身生得唔高，呢一跳都係無辦法離開班巨人嘅攔截範圍。





搶到波嘅係陶鎧，一架無人能擋嘅坦克，力大，身型都大。

佢係籃底一掟，將個波傳左比係中線嘅三分神射手-黃日言。

黃日言踏出兩步，就係三分線前面起手。

因為黃日言係一個高射砲，所以佢射嘅波嘅滯空時間會長過其他人好多。

個波去到最高點之後就開始跌返落嚟，好準確咁穿過球籃。





佢地拎到三分，同時拎到個波，亦即係代表我地今場輸硬，因為我地根本冇可能係佢地手上搶到波。

正當我係到自暴自棄嘅時候，我眼尾望到係看台度幫我地打氣嘅向晴，雖然我聽唔到佢講緊咩，但我可以透過佢個嘴型知道佢係叫緊我個名。

唔得，我唔可以令他失望。

我再一次跑咗起嚟，嚟到控緊球嘅球員面前。