我想喺夜場搵真愛，你陪唔陪我癲？: 二十二.

「咁你返去小心啲，Bye Bye。」我同Edmond講。

「呢頭係危少少。」Abbott搲咗搲下巴：「我哋送佢去搭車啦。」

「全部一齊去好似又唔洗。」Abbott伸咗隻手出嚟：「我哋猜人送佢啦。」

Abbott望咗大家幾眼：「包，剪，揼！」

唔知佢哋係眼神交流咗定點，畫面異常地整齊。





兩個剪三個包，而我都出咗剪。

要留低嘅係我同Clover仲有Katy，我都唔知咁樣係好事定壞事。

我哋三個攤咗喺床上面，然後喺佢哋準備出去嘅時候…

「等埋我，我要落去買嘢食。」Katy嗌住佢哋。

講完，佢就咁跳咗落床，然後將對腳插咗落對鞋到，連鞋帶都未綁就衝咗出去。





呢一嘢好明顯係做比我，但係…

我唔知點接，亦都唔係好想接。

我原本諗住兩個人就咁靜靜地攤喺到，但係又好似好尷咁。

諗咗一陣，我決定要比佢睇下我寫嘅嘢。

「你想唔想睇下我寫嘅嘢？」我問佢。





「可以啊。」佢轉身望住我。

我拎部電話出嚟撳開某黃色Icon嘅小說網站App，然後遞咗部電話比佢。

佢撳開其中一個故嚟睇，而我就喺隔離等佢嘅Feedback。

過咗陣，佢比返部電話我：「其實唔錯。」

第一次比人讚，唔係好知點覆佢。

之後我哋繼續傾計，但我已經完全唔知佢講緊咩。

我嘅性慾話比我聽我需要做啲嘢，但我嘅理智話比我聽另一樣嘢。

「你要溝佢，唔係食佢，你老味同我忍撚住。」