我想喺夜場搵真愛，你陪唔陪我癲？: 二十一.

「對唔住！」我決定道個歉先。

「吓，做咩道歉？」佢問我。

「我啱啱…」我唔係好想直接講。

「你講。」

「我啱啱單手除Bra扣搞到我好似好熟手咁。」





「冇事啦，小事。」

「吓？」我有啲唔明點解佢會覺得係小事。

「姐姐我廿一歲喇，有咩字見過。」

如果係咁，佢覺得無咩嘢都唔出奇，所以我都冇再問落去。

我哋繼續玩Game，而佢玩玩下竟然伸咗隻手去我下面！





佢摸咗幾嘢，我已經有少少頂唔順想嗌出嚟。

冇錯，我係M底，仲要係好撚M嗰種。

具體啲形容就係…我鍾意比人摑。

我一路忍住，扮曬無事咁繼續玩Game，但內心已經好想佢直接坐上我到。

玩到咁上下，Abbott見大家都攰，佢都冇再開Game。





「差唔多瞓啦。」Abbott企咗起身：「但係張床冇咁大，要走一個。」

佢講完，我哋所有人都即刻望住Edmond，佢應該知要點做。

我絕對唔係歧視On9，而係佢真係好撚大份。

我哋沉默咗幾秒次後，Edmond終於開聲：「我要返屋企。」

好彩，佢都蠢唔曬，知道發生緊咩事。