我想喺夜場搵真愛，你陪唔陪我癲？: 十五.

「點算，佢人好似唔見咗。」我喺Whatsapp問啊晴。

「屌你老母，你係咪戇鳩架？」

「吓，咩呀？」

「你直接問佢啦。」

「唔會好煩咩？」





「屌你問啦。」

我冇再講落去，轉咗去IG DM Clover。

因為佢仲未Accept Follow嘅關係，我嘅message應該會喺「陌生信息」裡面，所以佢根本唔會撳入去睇。

「IG冇覆，點算？」我問啊晴。

「其實你係咪真係傻架？」佢覆我。





「吓，咩事？」

「其實Group淨低嗰個佢嚟。」

「吓！？」

我有少少如夢初醒嘅感覺，不過好彩我冇喺Group講啲咩奇怪嘅嘢。

我撳入Whatsapp，將Group裡面淨低個電話Set咗聯絡人。





我先打咗「Clover」，諗咗諗之後就喺後面加咗個三葉草Emoji。

「你喺邊呀？」

「灣仔。」

「吓，你唔係返學咩？」

「係呀，你喺邊？」

「沙田圍。」

「咁你過嚟？」

「好。」





覆完佢，我就急急腳行返去搭地鐵，因為沙田圍去灣仔都幾遠下，一間遲過佢到就柒。

嚟到灣仔，佢都冇搵過我。

呢件事有好有唔好，好嘅就係我早過佢到，唔好嘅就係…

佢可以搞咁耐都未落嚟，好似唔太對路。

我深吸一口氣，然後同自己講：「唔好FF咁多啦屌你個啊熙。」