我嘅職業係專溝人地個女朋友: 11.25

「咁點解唔一齊? 佢唔鍾意你呀?」黎浩明八掛地問，特別係知道對方係故人之後就更加有興趣同關心。
 
「我唔知佢對我點架... 或者我都仲等緊佢會肯定落黎嘅一日掛... 聽聞佢爹哋以前都係咁，直至遇到佢媽咪先完全變左另一個人肯定落黎。事實上衣家我連佢去左邊個國家做緊乜都唔知...」Celia苦笑道。
 
「無了期咁等好辛苦架喎...」黎浩明滿有同情同擔心咁講。
 
「少少啦... 不過人又唔係一定要拍拖嘅，仲有好多野可以做，好似衣家咁都幾開心呀~ 我做記者，係因為我鍾意聽故事，同埋希望可以用我支筆去用人嘅生命影響其他人嘅生命。
 
就好似頭先講果個釋囚咁，其實佢都好慘，因為自細已經好肥所以一直都無咩異性緣，好唔容易終於有人對佢有興趣，點知原來個男朋友都係利用佢，之後仲搵左”壞人”幫手令佢變心再決定同男朋友分手...
 




分手後個女仔本身係諗住同壞人一齊，點知壞人之後留低左個message話自己有女朋友就完全消失左... 雖然女仔有d傷心，但本身都唔係真係話咁大件事，點知幾年後佢撞返個ex又因為愧疚對對方有返感覺，然後個ex為左令佢死心就將當年嘅真相講左佢聽，包括自己以前只係利用佢同埋搵壞人幫佢分手嘅事。
 
個女仔知道事實後大受打擊，發現之前自己信嘅所有野原來都係假嘅，自此就變得憤世嫉俗，仲憎恨晒全天下嘅男人... 佢之所以坐監，係因為佢有日發現朋友個男朋友出軌，於是佢就幫佢個朋友捉姦，仲一野剪左佢朋友個男朋友嘅... 下面...
 
就算比人拉左本身佢都仲係唔知錯，覺得全天下嘅男人都抵死。個官見佢精神有d失常就判佢坐監嘅同時都要接受精神科嘅治療。點知係治療期間，有個男護士知道左佢嘅故事後覺得佢好慘就因憐生愛，然後用左唔少時間去照顧同感動衣個女仔，最後仲令佢終於信任返男人...
 
知道世界上並唔係真係所有男人都係咁衰，出返黎後個女仔好後悔自己以前諗野咁偏激，覺得只要用心等待，就總有機會遇到自己嘅Mr. Right。所以佢接受我嘅訪問，希望我可以用佢嘅故事去勉勵其他曾經受傷或者仲等緊幸福嘅女仔。」
 
「竟然係咁? 咁聽落都好有意義喎... 我相信你得嘅，希望我嘅故事喺你筆下都會幫到其他人啦...」黎浩明感受到自己好似諗通左d野。
 




「我會盡力架喇! 希望你都可以放低過去，重新出發啦~ 過去發生左嘅已經改變唔到，但將來你仲有能力掌握同改變。」Celia語重心詳咁講。
 
「我會好好考慮你頭先講嘅野，希望我可以用另一個更有意義嘅方法去贖罪啦...」黎浩明點左下頭咁講。
 
「嗯，咁我地一齊加油! Fighting~」Celia微笑住咁向黎浩明做出一個加油嘅姿勢。