我嘅職業係專溝人地個女朋友: 11.22

果晚善柔因為好唔開心又有少少想變壞嘅自毀傾向所以就去左酒吧飲酒，然後喺果度遇到一個陌生男人撩佢搭訕。一心賣醉嘅善柔並無拒絕，然後兩個人就傾住偈咁越飲越多。
 
之後... 唔知係因為太醉定抑或真係想自我放逐，善柔最後就比衣個男人帶左去開房仲吸埋毒...
 
酒醒後嘅善柔完全接受唔到自己嘅所作所為，面對唔到咁嘅自己，所以先立定決心要結束自己嘅生命...
 
 
聽完衣段事實後我更加內疚，憑我對善柔嘅了解，我知衣件事對一直追求完美嘅佢打擊係有幾大。
 
如果唔係我，就唔會有咁嘅事發生係佢身上...




 
一諗起最後善柔所受嘅委屈同埋酒醒後見到自己嘅所作所為會有幾難過同後悔，我就好嬲好心痛...
 
如果唔係果個人渣，善柔未必會踏上衣條不歸路…
 
 
或者因為繼李立仁後我又搵到個可以比我將責任推卸嘅對象，我再次將自己所有嘅負面情緒同對自己嘅憎恨全部轉移晒去果個仆街度。
 
我發誓我一定要搵到佢出黎然後為善柔報仇，衣樣大概係我最後可以為佢做嘅事...
 




當然，或者其實我都只係為左令自己可以好過d...
 
 
於是我開始努力調查，為左拎到當日CCTV嘅片段，我去左善柔最後去果間bar度打工，用左半年時間同果度d人混熟取得佢地信任，最後終於拎到當晚CCTV嘅片段。
 
之後，我努力搵人幫我起底，最後終於查到果個人渣係乜水。
 
原來佢係乜上市公司個太子爺二世祖。
 
然後我又搵人查佢了解佢嘅日常習慣，再用盡方法接近佢，最後襯佢有晚又獵食完一個人返屋企果陣就上前一刀插左入佢心口。




 

殺左佢後我自然受到應有嘅法律制裁，但我發現我嘅心仍然都係咁難受...
 
當報完仇無左寄託，又失去左衣個憎恨轉移嘅對象後，所有負面內疚嘅情感又一次轉移返晒落我自己度，我都係完全原諒唔到我自己...