我嘅職業係專溝人地個女朋友: 11.21

「善...柔?」眼前嘅境象令我不自覺咁講出左衣個我日日都懷念緊嘅名字。
 
個女仔聽到衣個名後震左一震，然後就擰轉左過身向我個方向望過黎，之後我先知原來係我認錯人，衣個並唔係善柔而係佢個妹善潼。
 
始終係兩姊妹加上善潼當時刻意模仿善柔嘅裝扮，令我產生左衣個誤會zxad
 
善潼望到我後有d驚訝，不過之後就無再理我繼續向前行。
 
以前同善柔一齊果陣，間中我都會見到善潼，但自從善柔出事後，我就再無見過佢，所以我仲欠佢一句
 




「對唔住...」
 
善潼聽到後又再停左一停，但今次無回頭之後佢就又繼續向前行。
 
岩嘅，邊有可能單憑衣三個字就會原諒我衣個害死佢家姐嘅人渣?.
 
之後我就拎住我支啤酒飲左啖然後繼續頭dup dup咁向前行。
 
 
「方唔方便傾兩句?」




 
點知行左幾步，我就聽見有人喺後面講。
 
我知係善潼把聲，然後就一臉歉疚咁擰轉去後面望住佢。
 
「做咩攪成咁呀...」佢望左我一陣然後講。
 
其實衣家嘅我完全係一個不修邊幅嘅阿叔咁，頭髮又長又凌亂，著衫求其，仲留到成面都係鬚，話我係街邊d乞丐都絕對會有人信。
 
「我...deserve咁...」唔知點應佢好，我只可以咁講。




 
「我... 明你好內疚，事實上我都好憎你咁傷害家家，一切都係你咎由自取... 不過公道d講，有d野我覺得都應該要話比你知... 家家嘅死，並唔係全部責任都喺你身上，雖然你一定係罪魁禍首難辭其咎...」善潼帶住d冷意咁講。
 
「你咁講係咩意思?」我不明所意。
 
之後善潼就同我講左一d我一直都唔知嘅事，而衣d事嘅來源係黎自善柔嘅日記。
 
 
原來我之所以對善柔造成咁大打擊，係因為基於佢對”完美”嘅憧憬。
 
原來令善柔決定自殺，除左因為我，仲牽涉到另一個人渣。