我嘅職業係專溝人地個女朋友: 9.14

 「恭喜晒! 張相影得好靚睇得出你地好幸福呀~」我回左個message比Joe。
 
Joe:「多謝! 其實我同Vienna可以行到衣一步，都真係要多謝你。到到衣家Vienna不時都仍然會提起你話好彩當日遇到你開解佢同點醒左佢。」
 
我:「哈哈，都係舉口之勞啫~ 咁其實佢應該要多謝嘅係你之前有搵我幫手囉，雖然你當時動機都唔係好~」
 
Joe:「所以世事有時就係咁奇妙，你永遠預測唔到… 不過我覺得衣個世界確實係好需要一d好似你咁擅於幫情侶分析問題同埋開解佢地比到advice佢地嘅人存在。我相信好多情侶分手果陣其實可能都只係一時諗唔開或者有野諗唔通，如果佢地當時遇到個好似你咁好嘅輔導員，或者問題就可以解決唔駛分手…」
 
Joe嘅說話好似突然敲左我個腦一下。
 




「咁你點睇我衣家嘅職業同埋衣類輔導員?」我問。
 
Joe:「咁兩樣好唔同嘅。 輔導員只係一個advisor嘅角色，幫當事人分析同比意見，最終定權都係喺當事人度。但你嘅職業就有d唔同，當中牽涉到欺騙嘅成份，當事人咩都唔知就被動咁比你呃左然後變心。
 
雖然你出發點係好，但就係粗暴直接干擾賽果，而當事人係咩都唔知。」
 
我:「所以其實你都覺得我嘅做法有問題?」
 
Joe:「咁就要睇你咩角度睇喇… 作為男方既得利益者梗係覺得無問題，但作為女方，我估無人會想自己咁比人呃， 雖然佢地最後都並唔知情…」
 




我:「明白，不過最緊要你地衣家好好無事，一天都光晒啦~」
 
Joe:「係呀，所以不論你係邊個職業同角色，我地都要多謝你~」
 
 
Joe嘅說話令我諗通左d野，腦海中不其然將佢嘅提議同善柔日記入面提及過自己嘅志願重疊埋一齊。
 
突然間，我諗到自己衣個能力好可能其實係由善柔嘅執念而來，佢希望我可以承繼佢嘅遺願，令世界上嘅情侶都可以得到幸福，唔好好似佢自己咁…
 
至於點解要食煙先得，或者係因為佢死之前邊食煙邊寫果頁日記?




 
霎時間，我明白到我嘅能力同經驗加上善柔咁多年以黎一直教授嘅道理，其實係更加適合用喺另一個平台上面。
 
於是之後我就開始籌備開左衣間”壞人感情輔導所”，運用自己嘅能力去幫助黎搵我求救嘅情侶。當時都無諗過只係開左年幾生意就越做越好到到衣家做到無時停。
 
我唔敢講透過衣個方法可以幫到全部情侶，但至少我幫完佢地後唔會再好似以前咁對住佢地內心多少會存在點歉疚，然後就咁消失喺對方嘅生命之中。