我嘅職業係專溝人地個女朋友: 9.13

睇完日記嘅兩日後，我突然收到一張相，係Joe send左張佢同Vienna嘅結婚相比我。
 
從張相入面，我見到佢，Vienna同小白都笑得好開心好幸福。
 
不其然諗返起當日Joe同我講佢嘅答案。
 
到底Joe有無出軌?
 
咁就要視乎出軌嘅定義係d咩。
 




如果兩個人上左床或者發生左親密行為，咁應該無人有異議衣d係出軌嘅行為。
 
但如果只係企圖同人傾下偈曖昧下拎下新鮮感，其他野乜都無做過呢? 咁又係咪都算係出軌?
 
有人話前者係肉體上出軌，後者係精神上出軌。
 
咁如果要比較，肉體上同精神上嘅出軌，又有無邊樣會易接受d?
 
跟據Joe所講，佢當時只係臨結婚前想試下同其他女仔曖昧下flirt下，因為結婚後佢就要修心養性唔會再有衣d機會同感受。
 




所以除左食過兩次飯同果段時間間中message下，其他野佢係咩過界行為都無做過。
 
當然佢都知就算係咁佢都有唔岩，但到底咁係叫出軌定只係婚前嘅微微反叛，每個人都可能會有唔同答案。
 
 
望住佢地衣張相，我又開始會慨嘆衣個世界運行嘅法側有時都確實幾...亂咁黎。
 
當日Joe嘅錯，引發出Vienna心入面嘅炸彈，結果一發不可收拾，二人差d就要分手收場。
 
而Joe搵我嘅出發點其實都唔可以話係好好，就係想放棄然後同Vienna和平咁分手。




 
但偏偏我衣個壞人卻意外咁幫佢地解決左衣個炸彈。
 
如果Joe無犯錯，佢可能衣世都唔知原來Vienna心入面有衣個炸彈。
 
如果Joe嘅犯錯係結婚後出現，又或者佢當日無決定搵我而係直接同Vienna分手，咁我就唔會幫到佢地解決問題，而佢地結局亦可能會同今日嘅好唔同。
 
咁你可唔可以話係因為唔好嘅動機，最後卻引發出一個好嘅結局?
 
不過再諗深一層，你又可以話衣個結局其實有部份又可以歸工於最後Joe可以懸崖勒馬無真係做d咩過份行為同埋因為顧及Vienna嘅感受而搵左我幫手無直接分手。