我嘅職業係專溝人地個女朋友: 7.8

「仁仔，嗱襯熱飲啦~」衣個時候鄺大就拎左碗湯出黎比我。
 
「唔該Auntie~」我雙手接過碗湯道。
 
「你近排點呀，做野辛唔辛苦呀?」鄺太跟住就坐低撩我傾偈。
 
「咁你地傾下先，飲完再話我聽啦~」善潼見阿媽捉住左我就自己返返入房先。
 
而我就同鄺太一邊閒話家常一邊飲湯，慢慢重新品嚐衣種熟悉嘅味道。
 




大概過左10分鐘，鄺太就心滿意足咁執碗然後叫我去搵善潼。
 
 
「潼潼，我行得喇。」我去到佢房門前講。
 
善柔同善潼一直都係share同一間房，細個果陣我都隨意咁成日入黎同佢地一齊玩。係去到中學某個年紀，大家有一日都突然意識到唔係咁方便，我就好少再主動入去，除非係佢地叫我入去。
 
「好呀~」之後善潼就打開左門講。
 
“立”眼望入去，一切都好似無咩點變，善柔張床同佢d物品都仲係度。




 
其實比起我，善潼同佢家姐感情更加之好，當年佢傷心嘅程度唔會比我低，但我就好自私咁無理佢關心佢。
 
一諗到咁心入面對善潼就更加歉疚…
 
 
「衣度係咪無咩點變呢?」善潼見我少少發呆估到我諗緊咩。
 
「嗯… 係呢，以前你唔會睇書架喎，衣家咁有心睇返晒你家家d珍藏?」
 




以前善柔同善潼嘅性格同興趣都好唔同，前者文靜鍾意睇書，後者好動鍾意戶外活動淨係鍾意睇漫畫。所以當我見到善潼枱頭放左d散文小說係度就有少少驚訝。
 
「係呀，見放左係度唔想浪費無聊咪拎黎睇下囉，同埋我想透過咁可以了解下當年點解家家咁鍾意睇佢地。」
 
之後大家都無再出聲。
 
「行喇…」過左陣我就打破沉默然後開始同善潼行左落去樓下公園。