我嘅職業係專溝人地個女朋友: 7.2

之前明明從未試過，點知一黎就連續兩單case我都睇唔到，我甚至有懷疑過自己係咪突然無左衣個能力…
 
不過當我襯支煙仲未食完即刻望去其他情侶果陣，又確確實實見到佢地唔同嘅切入點。
 
咁代表並唔係我嘅能力有問題，而係佢地之間真係無問題。
 
經過Wayne同Queenie個case，我深深感受到睇唔到切入點嘅情侶感情係有幾咁深，個女仔有幾愛個男仔。
 
所以某程度上我覺得自己根本唔會完成到任務，除非個天又整死個男仔令到佢地天人相隔…
 




照計當個男仔已經唔鍾意個女仔，佢地之間應該係無可能會無切入點，因為理論上男方嘅改變應該點都會令個女仔有d不滿足… 除非個女仔真係好鍾意個男仔，一定非君不嫁，無論個男仔幾pk佢都唔會變果種。
 
但問題係… 個男仔已經鍾意左第二個要同個女仔分手，而個女仔偏偏係我由細睇到佢大嘅善潼。
 
善柔已經唔係度，我唔可以再睇住善潼出事…
 
只但係，我可以點幫佢?
 
先唔講我搵唔到個切入點代表佢對佢男朋友好滿意，就算真係可以令佢移情別戀鍾意左自己，咁之後呢?
 




其他人我可以選擇完事後消失，但對住衣個差唔多係自己半個妹嘅女仔，我之後可以點消失?
 
真係因為咁之後自我消失然後老死不相往來?
 
咁會唔會太殘忍?
 
只係我又唔可以唔救佢…
 
唔係，我真係好驚善潼都會步善柔後塵…
 




天知道自殺會唔會都關基因遺傳事?
 

「你… 係咪真係決定左一定要同你女朋友分手?」無咩方法同頭緒下我只好再搵Tony。
 
「係呀…」Tony好似有d心虛咁答。
 
「其實點解? 佢唔好咩?」我追問。
 
「佢唔係唔好，係我變心衰啫…」
 
「… 你衣個case 有d難攪，一來佢好似好鍾意你，二來因為我識佢，所以唔太方便出手…」見勸唔到佢我照直解釋。
 
「下，即係你唔肯幫我?」Tony有d焦急咁問。
 




「又唔係唔幫… 但我可能要搵人代我出手。」我打比Tony前其實都諗好左後著。
 
「唔係你親自出手?咁唔得架喎! 我指… 會唔會用多好多時間或者成功率低好多呀? 始終你份工唔係正常人可以做到架喎…」Tony擔心失敗有d緊張。
 
「都無辦法，唔係我唔知佢鍾意左我後可以點收科，我又唔可以就咁消失… 放心啦，我會搵個適合人選，唔會點降低成功率嘅…」我安撫佢講。
 
「咁… 可唔可以比少少時間我考慮下?」佢諗左陣後好似落唔到決定所以問。
 
「當然無問題。不過係咪我，真係咁重要?」衣家我先發現，原來不自不覺自己個招牌已經咁響。
 
「係架... 你不嬲信譽好嘛，其他人我唔放心…」Tony討好我咁講。
 
「咁你慢慢諗下先，考慮好再通知我啦。」我都無逼佢即刻決定。
 
「好…」




 
打比Tony前，其實都我諗左好耐到底可以搵邊個幫手。不過諗黎諗去，其實都係得一個人選可以接受衣個任務。
 

「軒爺，可唔可以幫我一個忙?」我即刻打左個電話。