我嘅職業係專溝人地個女朋友: 6.9

「其實係咪我有咩問題做得唔好所以你要揀第二個?」
 
Wanye望落有d難過，有d哀傷咁問。但係我細心留意下，我可以感受到佢心底入面同時係有種放下心頭大石嘅感覺。
 
「你無問題，或者唯一問題就係我地太早開始，結果耐左就會開始悶同厭啦… 如果我地遲d先一齊，可能我地可以捱到去最後嘅一步…」衣個係Queenie一早諗好左解釋自己變心嘅原因，其實同Wayne一開始呃我果個原因都係一樣。
 
「你真係鍾意左佢? 唔再鍾意我喇?」Wayne再問。
 
「唔鍾意佢就唔會放棄你同佢一齊啦… 至於仲鍾唔鍾意你，我諗我同你之間衣十年感情，已經好難單純再用衣兩個字去形容或者描述，有d感情大家心裏明白就好…
 




放心啦，佢對我好好呀，甚至比你對我更好，我相信我地一齊會得到幸福。」Queenie好似好平淡咁答。
 
「係咪我做咩都唔會挽救得到令你改變主意?」Wayne再問。
 
「係… 對唔住…」猶豫左陣Queenie好艱難咁講出口。
 
「咁我明白喇…不過你唔駛對唔住呀，因為近排我其實同你都一樣有類似嘅感覺，只係無你咁好彩咁快遇到另一個啫，唔係可能今日提出分手果個就係我唔係你…所以我其實ok架，唔駛擔心我…」今次到Wayne裝作淡然微笑住咁講。
 
「咁就好…」Queenie同樣微笑住咁講衣三個字。
 




 
然後佢地兩個人就相對無言靜左落黎。
 
「咁我地仲係好朋友?」隔左陣Queenie又問。
 
「當然啦… 如果佢唔介意…」Wayne望一望我講。
 
「佢唔會介意嘅…咁我地再保持聯絡啦…」Queenie dup低左少少頭講，我知佢就快忍唔住。
 
「好呀…」Wayne可能亦一樣。




 
「咁我地走先了…」Queenie講完衣句就拉住我起身預備離開。
 
「Byebye…」從Wayne眼中，我見到嘅係不捨。
 
而Queenie就好快擰轉身急步離開。 當佢一背住阿Wayne，我就見到佢眼框入面嘅淚水已經再不受控制缺堤式咁流下。
 
「不過Queenie，始終你地識左同一齊唔係好耐，唔好太快比自己咁沉呀…」而當我地離開到半路嘅時候Wayne又突然企左起身對Queenie講左衣句說話。
 
「哦…」Queenie腳步停左一停，然後並無回頭只係裝作淡然咁應左衣個字後就繼續離開。
 
而當我地一離開左Wayne嘅視線，Queenie就放開左拖住我隻手然後拔足狂奔喊住咁一支箭跑走左。
 
我無追，因為我知佢需要渲泄情緒自己一個好好咁冷靜一下。而喺Wayne未離開前，我亦唔擔心佢會去做傻事。