我嘅職業係專溝人地個女朋友: 1.3

可惜世界可以好簡單，但人就偏偏好複雜。
試問人同人嘅關係，邊有可能襟個制咁簡單就可以自動斷開?
如果真係咁簡單，咁衣種就唔係叫關係而係叫開關。
It is not a relationship but just a switch
 
於是唔少複雜嘅人會開始動心思，希望可以令對方成為主動提出分手果個。
 
佢地可能會選擇冷待對方，對對方越黎越差，
藉此希望對方有日會終於忍受唔住知難而退然後提出分手。
咁自己就唔係施害者而係受害者，




唔會受千夫所指嘅同時仲可以得到埋世人嘅同情同憐憫。
 
不過問心，事實上咁係咪就代表你真係唔係施害者而係受害者?
 
“施害者”並唔係指邊個提出分手，而係邊個先由愛對方變成唔再愛對方。
 
所以當你因為已經唔愛對方而去欺騙或者逼佢代你去做你想做嘅野，咁其實已經係施緊害果個。
 
哪怕對方最後因為咁而順你意代你提出分手，但佢其實都係受害者，佢都係會受到傷害。
 




只係世人多著重結果，
一有事總係會先問到底係邊個提出要分手，
然後先做成一個錯覺邊個提出分手果個就係傷害人果個衰人。
 
而且衣個做法其實仲有一個情況喎，
就係如果對方永遠唔肯放棄，堅持死都唔肯提出分手，
咁想分手嘅你又要等到幾時?
當拍拖變成衣種角力賽嘅時候，你唔累唔辛苦咩?
 
所以我為佢地提供左另一個方法，




一個對佢地黎講可以話係堪稱完美嘅分手方法。