精子is money: 第139章 又見雲哥

「喂，乜咁岩呀？」我主動向眼前既光頭刀疤漢打招呼，呢個刀疤就係上次雲哥派黎同我打果個手下。

「係囉，乜咁岩呀！」呢個時候先注意到刀疤佬手臂夾住爛醉既紅髮ＭＫ，紅髮ＭＫ面色青白，猶如死屍。

「唔知上次同你講既事諗成點？」又一把熟悉聲音落入我耳中，此人正是雲哥。

「暫時都係唔洗啦雲哥，如果我有需要先再搵你啦，唔好意思。」

我即時婉拒雲哥，話晒人地係黑社會大佬點都要俾返個下台階佢既。



突然間一陣啪啦啪啦聲響起，隨後一股臭味撲鼻，原來紅髮再次嘔吐，嘔吐物就似槍林彈雨般落下。


無耐，地下佔滿晒紅髮既嘔吐物，即使用手禁住個鼻都依然聞到刺烈既味道，真係搞到我咩食欲都無晒。

雲哥：「真係唔好意思令你見笑啦，我細佬佢唔係好飲得但又學人飲酒。」

「唔緊要。」我臉上帶住笑意。

「咁好啦我地走先啦，如果你回心轉意或者有咩需要既記得打俾我。」雲哥一眾行出大排檔。



「阿積！乜你依家群埋果班人玩咩，唔通你已經唔記得左上次既事？你又唔係唔知佢地係壞人黎？

林舒寶食左幾啖就企起身

「算啦我食飽啦！阿牛我地走，陪我拎返去俾呀媽食，唔該打包！

林舒寶手持外賣盒，另一手拖起阿牛就轉身行走。

我並無阻止佢地既離開，而係目送佢地背影離去，唔知點解我感覺到同佢地距離好似愈黎愈遠咁，



不過望住林舒寶由最初既MＫ妹變到開始識得關心自己呀媽，

身為寶拉姐好友既我心入面都有種欣慰既感覺。

「做咩事？」李右婷終於開口。

「無野，繼續。」就係咁，今晚既晚餐只係得我同李右婷兩個人食。