精子is money: 第138章 男人老狗不勝酒量

此時，寶拉姐手持水杯從自己間房行出黎，由於公司知名度變高，公司愈黎愈多大客戶搵寶拉姐傾生意，

所以寶拉姐呢排都鎖埋門自己係間房工作，係一個典型既工作狂，女強人呢個稱號好符合寶拉姐個型象。

「係喎，寶拉姐你要唔要一齊黎食呀？。」我問寶拉姐。

「我？唔洗啦你地食啦。」寶拉姐彎低腰裝水，裝完之後又再行返入自己間房。

「係囉，阿媽你都黎啦，街口果間雲吞麵真係唔錯架。」林舒寶亦嘗試勸寶拉姐。



「我仲有手尾要跟埋，下次先啦。」寶拉姐堅決地拒絕。

「咁好啦。」我地同寶拉姐道別後向雲吞麵舖進發，話口未完林舒寶就行出門口，阿牛就跟住林舒寶。

望住行係最前既兩個人，我就知道林舒寶已經唔再係為左我而去舖頭。


「做咩悶悶不樂咁丫？」同我平排而行既李右婷突然向我講。

「有咩？邊有。」其實我心入面有ｄ羨慕阿牛可以同林舒寶光明正大咁交往。



「我同你講呀，你知唔知呢間野真係好好食，我由細食到大架。」我同李右婷講下講講下講左好多廢話。

「拿，轉埋呢個街口前面就係啦。」我指住前面間舖。

「……」李右婷一面無奈，睇得出李右婷已經無咁好氣回應我。

「咦！」帶頭既林舒寶語帶驚訝。

我同林舒寶都唔知俾咩反應好，黎到呢度先知林伯果間舖今日竟然無開，我地仲實牙實齒咁應承左李右婷帶佢食一流既雲吞麵。




「請問你知唔知呢間雲吞麵舖……」一個著住西裝既路人經過，我向佢問。

「唔知呀，唔好煩我。」西裝友不但無停低，反而加快腳步行走，果然著得西裝就無個好。

「後生仔……你指林伯？聽講佢好似病左，佢今日已經唔係第一日無開舖啦，好似前幾日開始已經係咁。」一個聽到我岩岩所講既野阿伯好樂意咁解答我。

「講開又講住左係到都幾十年真係好少見佢咁樣，平時佢就算有病都會照開舖，突然間好掛住佢碗牛腩河添。」阿伯繼續講。

「咳，我都幾十歲人啦，唔知我仲有幾多年命食佢煮既麵呢。」阿伯嗽出一聲，然後呼出一口長氣。

「咁好啦，唔該你先。」由於我地已經好餓，無心情再聽果個阿伯講野，所以我即刻打斷佢。

「咁我地依家食咩好？



「無所謂。」

「唉，就食對面果間大排檔啦，好無？」

「事但。」既然佢地都無意見，唯有去對面果間大排檔。

「唉，男人老狗唔係飲少少酒都嘔呀嘛？」

我地一坐低後，就聽到一把耳熟既聲音，我擰轉頭一睇心諗唔撚係掛。