精子is money: 第116章 勝負已分

「好，勝負已分，今次既比賽非常精彩，勝者為紅組。你地休息陣先，一陣仲有個小遊戲玩下。」林ＭＩｓｓ同我地講。

「ＹＡ！贏左。」班女同學興奮到彈左起身。

「遊戲，唔知你有無聽過ＫＯＫ呢？」當我聽到ＫＯＫ既三隻字既時候，不自覺咁呆企係原地，我擰頭一望原來呢句係吳亦菲向我講，隨後一把男聲插話。

「ＫＯＫ全名為ＫＩｎＧ　ＯＦ　ＴＨＥ　ＫＩＬＬＥＲ，係一隻曾經風靡全球既ＤＯＴＡ遊戲，由外國知名度極高既火炎遊戲公司研發，呢隻遊戲非常講求團隊合作性。」金天羽講完呢句望左我一眼。

「最精彩既係，玩家可以隨意地選擇各種現實中有既職業黎進行遊戲，例如：醫生，護士、警察、小偷等等。




由於呢隻遊戲既地圖，職業，角色樣貌都做得非常仔細同逼真，所以成功吸引無數世界各地既玩家。」金天羽仍然解釋落去，仲愈講愈詳細。

ＫＯＫ我又點會唔知呢？就係呢隻死人ＧＡＭＥ陪伴左我渡過咁多年黎小學同埋中一既生涯，基本上虛度左我人生大半部分既讀書時間，有開心既，有唔開心既經歷，不過，呢刻，令我諗返起一個以前打機識既人。
 
「仲有呢隻遊戲最大既賣點就係實體感受。」金羽依然講落去，我已經無視左佢。


回想返自己係小學既時候成日俾人恰好唔開心，每日返學既動力就係等放學，一放學就即刻趕返屋企玩呢隻遊戲，起初我都唔知自己體能咁好，就係透過呢隻遊戲先知自己有好強既運動神經，期間仲學到好多唔同既格鬥技巧。



後黎係遊戲入面識左一個女仔，呢個女仔係我唔開心既時候陪伴我，開解我。

我地經常係遊戲入面互談心事直達深宵，最終成為左知己，不過後黎升上中學之後就失去左聯絡。

「ＫＯＫ大致上就係咁喇……！」金天羽終於肯收聲。

「嗯，無錯。」吳亦菲好隨便咁應，我見到佢都聽到好無奈。


「好啦各位同學，玩埋呢個遊戲你地就可以放學啦，跟住落黎玩既遊戲係安全之吻，以抽籤形式進行，搵四對同學出黎。」林ＭＩｓｓ話。



「嘩！正喎！成班同學係到呼叫。

「第一個幸運號碼係……」林ＭＩｓｓ開口講，全場氣氛都緊張起黎。

「我呀！我呀！」同學們都住自己，似乎好希望抽中自己。

「第一個號碼係……１５號！」