精子is money: 第一百十三章　兇人先告狀

「兇人先告狀？著到身光頸靚咁，乜原來係斯文敗類黎。」我望西裝友諷刺佢。

「喂，四眼仔你話邊個？」西裝友回話。

「邊個應咪話邊個囉，我無話係你呀，係你自己應炸，千奇唔好對號入座呀！」

「四眼仔你好野，你因住黎呀，小心啲呀。」西裝友講完呢句之後雙目發光啤住我，隨後氣喘喘咁行走，佢臨走既時候仲要撞左李右婷一下，李右婷身體不穩，我立即扶住佢，傳單跌曬落地。

「話你呀，正一斯文敗類！」見到佢呢個行為我都忍唔住罵佢。



「走啦斯文敗類。」有幾個路人插把口指住西裝友話
 
「你無事呀嘛？」我向李右婷問

「無事啦，好多謝你。」李右婷臉上無故泛起紅暈，我見狀立即鬆返開雙手，然後執返起地上既傳單，李右婷則手足無措，不知所措咁跟住我執返D傳單。

「……！」下一刻，我同李右婷同時執起同一張傳單，我地既手再一次重疊，霎時間，我地安靜了，李右婷滿臉緋紅，仲可以好清楚咁聽到佢既呼吸聲。


此時，一個身穿棗紅色校裙，著住黑色皮鞋既少女手持白色膠袋正踩住其中一張傳單，我抬頭一望……阿花？誰不知阿花立即轉身急步離開。



「黎搵我？」我企係原地向幾米外既阿花講。

「……」阿花無出聲，仍然向前行。

「做咩見到我就走？唔通……你嬲呀？」我立即趕上前，輕輕拉起阿花手臂。

「無呀！邊有喎，好地地又點會嬲你。」阿花回應

「你呷醋？」我繼續追問阿花。



「無囉……傻既。」阿花輕輕拍我膊頭。

「哈哈，唔通你鐘意我……？」我笑住向阿花講。

「痴線！」阿花飆高音講。

「哈哈，同你講下笑炸，你睇你緊張到呢。」估唔到我隨口講既野都令到阿花會咁大反應。

「我醒起仲有野做，要走先啦，掰掰。」阿花向我道別。

「下，你唔係黎返工咩？」我問阿花。

「下次有機會先啦，今日真係唔得閒呢，我咁岩經過咖炸。」阿花表示實屬巧合。



「咁好啦唔阻你啦，掰掰。」我向阿花既背影揮手。

「喂，多謝曬你D下午茶喎。」我打開白色膠袋一睇，原來係兩個飯盒，同埋少量零食。


「一齊食呀。」我拎住阿花俾我既糧食走入舖內，一隻手遞左D零食俾阿牛，另一隻手遞左個飯盒俾李右婷。

「多謝。」李右婷向我講，而阿牛則搖頭表示唔要。

「襯依家無咩客，休息陣先啦。」我向阿牛同埋李右婷講，佢地真係好勤力，阿牛從不偷懶，返工時候絕不坐低，李右婷夠主動，口齒伶俐，兩個都係工作上既好伙伴。

「點呀？辛唔辛苦？」我向李右婷問。

「唔錯，幾好做呀。」李右婷微笑回應。



「咁就好啦。」此時，一個身穿便服既靚女好急咁推門行入舖頭。