精子is money: 第一百一十章　天才少女

一分鐘已過……
 
「新同學？新同學？」林Miss直接行出門口搵新同學。
 
「你地……好，我叫金天……羽。」入黎既係一個並不起眼既毒撚，身高米六，睇黎佢非常緊張，咪住呢個咪係上次我去買衫果個毒撚？
 
「……！」全班同學更加無言
 
「咁啦金天羽就坐白少添同學既前面，而吳亦菲就坐係楊明花同學既後面啦，有無問題？」林Miss指住兩個空位。
 


「嗯。」之後兩人各自去所屬既位置。
 
「好，落堂。」不知不覺間，上午既堂已經上完，又黎到食飯既時間。

「呼！終於食飯喇，讀書真係好辛苦呀！」新同學吳亦菲吐苦說，我都好認同呢個講法。

「不如一齊去洗手間？」新同學隔住幾行座位向唐梓晴講。

「嗯。」



「等埋我地，我地又去。」呢句係由大細波口中所出，唔知點解女同學真係好鐘意成群結隊去廁所。


 就係咁，唐梓晴，吳亦菲同埋大細波一齊行出課室既門口，望住新同學既背影，我沉思左幾秒，數秒後……

「唔係咁岩呀嘛？」新同學既背影同我情聊加果個女仔，無論身材或者氣質都一模一樣。
 
「嗨……」一把聲從我側邊傳出，我側身一望，唔知幾時開始我個位隔黎企住一個男仔，呢個男仔真係無咩存在感，如果唔係佢開聲我都唔知佢企左係到。
 
「你好，乜咁岩呀？哈哈。」我笑住咁應佢，其實我唔知可以同佢講乜。



「其實……我係得登黎搵你。」金天羽對住我講，我即刻望一望周圍，個心超驚其他同學誤會左，幸好周圍既同學都出曬去買野食，班房上得返我，金天羽同埋阿牛。
 
「拿，呢位叫阿牛，係我好朋友。」作為一個原校生緊係要介紹個同學仔俾新同學認識下啦，其實係想介紹個靚仔俾佢識，等佢轉移視線。

「阿牛你好，我叫金天羽，好高興認識你。」金天羽露出微笑同阿牛握手。

「你好。」阿牛回應。

「咁……不如我地坐埋一齊食飯啦？」我問佢地。

「嗯。」之後佢地拎左個飯盒過黎我個座位食，無幾耐唐梓晴同埋吳亦菲都返左黎，佢地兩個坐係我前面既位食飯。

「係啵阿積，今日我地仲去唔去圖書館溫書？」係我食食下飯既時候，唐梓晴突然擰轉頭對我講。



「你想溫呀？好呀。」聽到呢句既我個心非常興奮，差D激動到噴埋口入面既飯出黎。

「溫書？你個天才少女洗鬼溫書咩。」吳亦菲插把口話

「係喎，果晚你咪飲醉左既，你仲記唔記得當時你自己講過D乜野？果晚之後你點解粒聲唔出就黎左呢到既？」吳亦菲向唐梓晴追問。

「咩阿！我點知你講邊件事喎。」唐梓晴回應