精子is money: 第一百零八章 衣食無憂

「恭喜曬，你贏左，呢個係屬於你既獎品。」阿琪上台舉起我隻手講，之後遞左張支票俾我。
 
「精彩。」雲哥鼓掌。

「喎，好野啵四眼仔，真係睇唔出你咁抽得啵。」自從雲哥開完聲之後，周圍既花生友係到尖叫。

「係啵，阿琪咁佢點？」我望住失去意識攤左係地下既刀疤，周圍既人就好似已經忘記左刀疤既存在。

「……」阿琪行過去望左眼。



「仲未死得。」阿琪冷冷咁講。

「下？你地唔洗救佢咖？」我呆左咁望住刀疤，呢刻我覺得班友好冷血，同時亦覺得刀疤非常之慘，不過好慶幸暈低左既唔係我，如果唔係命仔都可能無埋。

「好，無問題，搵人黎救返佢。」雲哥隨意望住周圍既人打左個眼色。


無耐，只見有幾個MK仔拎住一箱野行過黎，呢個並唔係急救箱，而係……MK仔手上渣住一個透明玻璃箱，箱入面裝住唔同大細既冰塊，隨後佢地將成個箱倒轉，箱入面每粒冰塊即時從高處擲下，

冰塊全數擊落刀疤臉上，只見刀疤眉頭一緊，臉色黯然神情痛苦，呢幕情景我望到都覺得痛。無幾耐，刀疤回復意識，刀疤兩手撑地企起身，隨後刀疤望一望周圍。


 
此時，阿琪慢步行去刀疤身邊，從腰間抽出一把匕首，雙手遞俾刀疤，刀疤望左一眼，接住把匕首，刀疤眼不眨，眉不皺，凌厲眼神，無半點猶豫，一刀刺落手腕，快要入肉之際，

我一個飛腳踢走匕首，匕首係刀疤手上輕輕刷過，劃出一道鮮紅，血不斷湧出黎，匕首係空中迴旋幾圈，可是刀疤仍然談笑風生面不改容，仿若一切都只是浮雲。
 
「嗯，停手啦，睇黎你的確有相當既勇氣，今次就放過你，唔需要你斬手，不過你以後要幫我做野還債。」雲哥一聲令下，睇黎呢一切都落入雲哥眼中。

「無問題，多謝雲哥放過我一命。」刀疤回應雲哥

「你要多謝既並唔係我，而係呢位小兄弟救你一命。」雲哥望住我。



「多謝你救左我。」刀疤望住我講

「唔洗客氣。」

「天色已晚，不如今晚一齊去個食飯？」雲哥望住我講

「多謝雲哥既好意，不過唔洗啦我屋企煮左飯，有機會先食啦。」我婉拒雲哥

「家人？哈哈，好，咁唔阻你團聚。」雲哥有意無意咁望左眼阿琪。

「不過我想講多句，我睇得起你，不如你跟我搵食，我可以包你衣食無憂。」雲哥講完就拍左我膊頭一下。