精子is money: 第六十五章 夕陽

 我一出間舖，即刻搭電梯落地下。一落到樓下我就見到阿花，佢成個人睇落無黎神氣，臉色好差，塊臉又青又白，臉無血色，個嘴唇又乾又白，睇黎佢真係屙得好慘。
「喂，你無事阿嘛？」
「無咩野，你買完啦？」阿花望住我手上渣緊既一袋二袋紙袋
「真係唔好意思，下次再同你行過啦。」
「哦，唔緊要啦，咁我地依家返去先好無？」
「好。」阿花以虛弱既聲音回應


就係咁，我地行出商場又行返去巴士站既方向搭２８ｘ，無幾耐就有部巴士黎到，我地上左巴士，又係坐返今朝個位，阿花好快就就訓著左，佢挨住我手臂訓教。
 


我望住阿花訓教，無幾耐我都訓著左。再當我醒返既時候已經就快到屋企個站，我望住熟睡中既阿花，佢眼角竟然有幾滴淚珠，阿花個表情好痛苦，好傷心咁，唔知佢依家發緊咩夢呢。

「喂，喂阿花，夠鐘起身啦，到站啦。」我輕搖阿花既白嫩嬌驅。

「嗯～」阿花睜開矇矓的雙眼，起身後阿花伸一伸懶腰，佢打左個喊露，我實阿花急急腳咁落車。


落到車後，我同阿花講：「你住邊阿不如我送你返去啦。」
 
「好……啊！都係唔好啦，下次先啦。我自己返屋企得咖啦，阿積今日真係唔該曬你。」突然間阿花把聲由頹廢變到成個人精神曬咁


 
「哦，咁好啦，你自己小心ｄ啦，有咩事就打俾我啦，我電話係６４２４３２ＸＸ，我走啦，掰掰。」我望住阿花講
 
「掰掰，咁我都走先啦，我行呢邊。」阿花指住既方向係同我屋企相反方向，阿花直接拎轉身就行走左。


而我就自己一個好孤單咁行返屋企，沿途有好多對情侶曬恩愛，真係羨煞旁人，無計啦星期日，不意外既。」我心入面咁諗。

我為左唔俾Ｄ情侶曬親，轉為周圍望既風景，我一路見證住太陽落山，一路慢慢行返到屋企，返到屋企既時候我慣性咁大嗌：「阿媽我返黎啦。」



不過阿媽無應我，睇黎阿媽仲未返黎，由於長途跋涉既關於，我又有倦意，我返入自己間房攤上大床，我個腦不斷回憶返今日所發生過既事，諗阿花今日做咩怪怪地咁，諗返起佢岩岩訓訓下教眼淚，唔知佢發生左咩事呢？

跟住又諗返起李右婷，睇黎要幫下佢先得，等寶拉姐間舖裝修完，我會問佢會唔會入黎做。無幾耐我諗諗下就訓著左，直到有一絲絲微弱既燈光透入我眼簾，才令我從睡夢中醒過來。