精子is money: 第六十四章　免費買衫

呢個時候李右婷已經拎左幾條唔同色既褲過黎，好似係ＣＨＩＮＮＯ黎。

「２８吋腰，李晶積你要唔要試下佢呀？」

「唔洗試啦，直接買左佢，你幫我包左佢啦，唔該你。」

「依，你點解會知我個名既？」

「點會唔知呀，你係中二級果時全級成績最差果個啵。」




「人總係咁，只會記最好同埋最差既野。唉，其實我都唔想咖，不過你可以繼續講你岩岩果個話題啦。」

「其實我都想搵屋企附近既工做，不過無咩人會請兼職，我又唔想放棄學業，我真係好鐘意讀書呀。」

聽完李右婷呢句，我就醒起寶拉姐間舖遲下裝修完會請多Ｄ新血入黎，唔知李右婷又會唔會有興趣呢？
 
李右婷一邊同我講野一邊掃手上面既衫褲既Ｂａｒ　ｃｏｄｅ，多謝成為一千精，請問你點付費？」
 
「啪卡啦唔該。」



我心諗：「嘩，咁貴既？樓下買先一百精三件衫，我就一千精兩件衫，三件褲，果然好吸精阿下。」正當我忍痛想要啪卡落去既時候，一隻瘦削既手輕輕放落結帳機到，隨後部結帳機嘟一聲響。

 
「你做咩呀？」無錯，佢就係岩岩果個毒撚

「師父，岩岩我講過會買幫你買衫，小小心意，你就領徙弟既情啦。」

「夠啦，唔好再叫我做師父，如果你想交朋友既我係無問題，但係你千期唔好再叫我師父前師父後，叫到我成個人都老曬咁，我同你差唔多年齡炸。」



李右婷聽到呢句都掩住櫻桃小嘴偷笑：「嘻嘻。」
 
「好既師父！徙兒姓金，子天羽，敢問師父既尊名又是什麼呢？」
 
「叫我阿積得啦，你鐘意既咪叫聲積哥囉，不過多謝曬你ｄ衫褲啵。」
 
「係既積哥，洗咩客氣。」
 

「咁你不如再揀多幾件底衫啦，有折啵。買黎著恤衫或者返學都好啦，拿呢幾件底衫好舒服，吸汗力強，你知啦男仔做運動既時候會出汗咖嘛。」李右婷再次游說我買衫
 
「我不之幾想同佢講，我不嬲都唔做運動既，只做一種運動，就係床上運動，你係咪想同我做先？」我心諗
 
「你都幾識做生意咖啵。」我對住李右婷講。



「咁要埋佢啦。」金天羽霸氣咁講
  
「拿，積哥，你既衫。」金天羽又遞左一袋紙袋俾我，呢袋就係我岩岩買既衫。


我單手拎起金天羽俾我既紙袋，另一隻手就打開手機，我望一望部電話先醒起阿花仲係樓下等緊我。

「死啦，我仲有野要做，我要走先啦，掰掰。」
 
「掰掰，歡迎下次再黎。」李右婷對住我講

「好啦掰掰師父，我之後會再搵你咖啵，無問題阿嘛？。」

「事但你啦。」我隨便就應左呢位毒撚，心諗個世界咁大你又點搵到我呢，仲要唔係住旺街既，有個水魚送衫俾我不知幾爽。