精子is money: 第五十二章 你都唔明，你有仔既

「係啵，講開又講，我未食野啵，好肚餓添，去食野先啦。」呢句突然間從我口中爆出黎。此時，阿花已經唔係捽自己隻腳啦，而係改為掩住自己個肚。
 
「喂，大小姐又搞咩？你郁唔郁到？洗唔洗呵返呀咁？定係想我背住你行呀？」講完呢句後，我馬上半蹲，雙腳撐大微微屈曲，作出札馬既姿勢，打算用呢個姿勢背阿花。

係我做出呢個動作既時候，我感覺到自己被人盯上，有幾對刺熱既目光望過黎，由於我既耳力比較好，同埋ｄ路人講野好大聲既關係，令到好清楚咁聽到佢地講每一字每一句。
 

「嘩，你睇，人地條仔幾鬼Ｍａｎ，當街當眾咩自己條女你再睇下你自己。唉，真係人比人，比死人。不如咁啦，你都咩我啦。」一對情侶手拖手望過黎，而呢句係佢條女講既。

「唔好啦掛，咁多人，不如返屋企先玩啦。」佢條仔搖頭耍手咁講。



「唔制呀，耶。」

「唔得，唔好講笑啦。」

「妖，男人老狗，怕呢樣怕果樣，咁鬼無用咖。算啦，我地分手啦。」佢條女激動咁講，同時好大力咁甩開隻手，之後急急腳行走。」

「喂，Ｋａｙ～唔係呀。」條仔醒頭醒水咁跟上去。

 


我望住滿面痛楚既阿花，我深呼吸，吸左啖氣，調整好心情。就舉起食指，指住阿花，再拍一拍自己個背脊講左句：「上來啦！唔洗逞強啦。」

向後伸出雙手做出準備背阿花既動作，阿花微弱咁嗯左聲，阿花捉住我隻手爬左上我背隻，雙手交叉咁攬住我條頸。
 
一連串簡簡單單既動作，引黎過數百人圍觀，圍觀既人不斷係到尖叫歡呼，又拍手又吹口哨咁。

我尷尬咁咩住阿花行出去，咁岩呢個時候又有一班著住便服既學生妹經過，我同佢地身處既位置幾乎零距離，所以我清清楚楚咁聽到佢地既對話。

「嘩，好Ｍａｎ呀！真係。」



「係囉，無得頂。」

「真係好羨慕呀。」

「我都好想拍拖阿……」

「真係好寂寞，好孤單啊！又邊個會明我既心情啵。」

「我明。」

「你都唔明，你有仔既。」

聽到呢句既我都有ｄ唔好意思，係眾人熱切既眼光下，咩住阿花急急腳咁行走。