精子is money: 第四十五章 咪住

係等車既期間，我周圍咁望，咁岩俾我望到對面街有間銀行。一望到銀行我就醒起自己仲有張支票係手，諗諗又下覺得呢排自己洗精洗大左，自己又睇唔到仲有幾多存精量，

睇黎要依家入左佢先得，以防一間自己買野既時候唔夠精俾。如果身體精子量過低，暈低左咁就柒左ｄ啦，我一路行向對面街既銀行方向行。
 
  
好快我就行到對面街既銀行，銀行出面有一大塊落地玻璃，從玻璃中可以清楚咁睇到入面有一排排新款既提款機，聽聞新款既提款機不單止提款功能，仲有存款功能添，

即係可以入埋支票落去。我從褲袋拎出一張支票，低頭小心翼翼咁望實手上既支票行入去銀行，驚死會有人搶咁。呢張支票係可以直接入落部機到，即時轉帳入自己既戶口，

突然間，我感受到身體撞到一個人。依，點解咁軟林林既，無痛楚？隨後陣陣既香味撲入我鼻，我大大力索，咁似女人既香味既。唔係啵，呢陣香味好熟悉，好似係邊聞過咁。



 
「妖，你撞到我呀！仆街，唔識講對唔住咖？你成身又臭又痴淋淋，死變態佬。」
 
「對唔住呀，真係好對唔住。」我地同時齊聲，我聽到佢把聲後，將頭抬起黎，抬頭一刻，兩人四目交射。
 
「喂，四眼積？乜又係你呀！」阿花一手叉住自己小蠻腰，另一手指住我怒叫。

「依，阿花？乜咁岩呀又！去邊呀你？」依，點解呢句對白好似咁熟既？



阿花無認到我，佢一直低頭望實我手上既支票，我個心有種不安既感覺。


突然間，我手上既支票俾阿花一手搶走左，佢冷冷淡淡咁交低左句：「交俾我保管啦。」

「下？」我滿面呆滯咁講，似乎仲未搞清楚現況。

直到目見阿花一步一步咁行去提款機既旁邊，阿花先拍自己張晶片，再飛快地打上密碼，打完密碼後我望到阿花禁左幾個制之後，慣性咁將我張支票又拍一下，動作非常迅速。

「嗯，身手唔錯。」我低聲說，之後腦海回憶返阿花岩岩果幾下動作，乾淨利落，行雲流水。


 
 
 
喂，咪住，依家支票已經轉為電子形成，電子支票上面含有磁帶，佢咁樣拍法咪即係……唉，我諗大約知道依家發生咩事啦。

我眼金金咁望住眼前阿花操作緊既提款機，直到佢個戶口顯示多出一個精子圖案，仲大大隻字寫住存款完成，歡迎下次再使用。