精子is money: 第四十四章 旺街

啊！有啦，我腦中突然萌出一個想法。隨後，我用手指飛快咁禁手中既手機，係手機上面禁左個上網既圖案，再從搜尋器上面打左「買衫既好去處」呢幾隻字，
 
幾秒後得出左一個地方名叫「旺街」，旺街係網上各大討論區整體黎講評價唔錯，巴打絲打們對呢個地方都讚口不絕，我將佢地既每個留言中既分析同埋討論都睇過曬，

佢地話旺街有好多野買，基本上乜都有得買咁制，貨品有平有貴，適合唔同能力既人士購買，所以先咁多人鐘意假日既時候係旺街行街購物，

而旺街中最多既鋪頭就係賣衫褲，巴絲們話有某幾間鋪頭賣既衫褲用料好，裁剪好、款式靚、價錢又可觀，絕對係潮男潮女買衫既首選地方。
 
 
 


其次係旺街中較多店鋪類型係餐廳，所以並唔需要擔心行完街無野食，果度既餐廳食物款式多元化，各國美食應有盡有，無論款式，外型，味道都係一流，

唔洗怕食物無特色，更加唔洗怕無位坐，係情侶拍拖既聖地。我從網上睇到一眾巴打絲打Ｐｏｓｔ出黎既食物圖片同埋評價，一幅幅栩栩如生既美食圖片，

佢地就似活生生呈現我眼前咁，美食當前，我不知不覺間吞左啖口水，個肚仲好自然地發出咕嚕咕嚕聲，不禁地摸自己個肚，再望下手機顯示既時間，

說時遲那時快，原來唔經唔覺已經到左中午時間，真係有ｄ肚餓添。


不過旺街離我屋企都幾遠下，大約要一個鐘車程到，唔緊要我記得有句話叫千金難買心頭好，睇黎我真係要去旺街走返轉，好好見識先得。



我從衣櫃上面隨手搵左套便服出黎著，著上身之後照鏡，鏡中反射出我著緊一件白色背心，一條藍色短褲，再加對普通既白色波鞋。

我承認自己著衫的確係無咩品味，不過我相信身材係可以搭救咖。好啦就咁出發，我似乎幾滿意呢身既裝扮。


出門後，我一路低頭望住手機上既ＧＰＳ黎行，係猛烈既太陽照射下，我好快就滿頭大汗，汗流浹背。大約行左十幾分鐘到，我望到個ＧＰＳ同自己既位置符合。
 
「嗯，無錯。２４ｘ去旺街應該就係呢到搭。」我半瞇眼望實前面既巴士牌自言自語咁講。