精子is money: 第二十四章 雲哥

低沉既林伯：「停手，唔好再打啦，再打會搞出人命。」
 
我對住果幾個ＭＫ仔：「仲唔滾開？係咪仲想俾人打呀你？」
 
我指住林舒寶：「咪住，留低你隔黎既女仔先好走。」

 
紅髮ＭＫ講左句：「好既，無問題大佬。」跟住佢同隔黎既女仔講難得有個大佬肯要你，你執到啦。呢句我聽得好清楚，跟住佢同埋佢班小弟急急腳咁行走左。
 
林伯：「喂，食麵先啦，凍左唔好食咖。」岩岩拍片既路人或者食客見到班ＭＫ走左之後都紛紛離去。


 
我一路咬住麵條一路自言自語咁講：「真係食左咁多年都仲係覺得好好食。」

 
我望住林舒寶：「坐低啦唔洗驚啵，我地唔係壞人黎咖。」林舒寶坐低左之後，我無意中發覺阿牛不時偷偷地望住佢。
 
我同阿牛一路食緊麵既時候，我話：「係啵，林伯岩岩果班咩人黎咖？」
 
林伯正想開口講既時候，一把聲音傳入我耳邊：「雲哥，岩岩就係呢兩條友打鳩我，仲搶走我條女添，你一定要幫我報仇呀。」
 


 
我回頭一望，呢個咪紅髮ＭＫ？紅髮ＭＫ隔黎有個高佬，我諗呢個就係紅髮ＭＫ所指既雲哥，我暫且都叫住佢做雲哥先。雲哥一身西裝，個樣大約廿幾歲，但係
 
俾人一種霸道既感覺，佢既身材比阿牛仲要高大，雲哥行埋黎問我：「喂！細路，就係你打傷我細佬？」佢並唔似佢細佬咁，句句粗口，好似仲有禮貌過我添。
 
我望住眼前既人佢有對鷹眼，眼神凌厲，唔知點解望實佢對眼我心入面會有種淆底既感覺。


我已經豁出去咁答佢：「無錯雲哥，人係我打既，完全唔關佢地事。」跟住我望一望紅髮個樣，嘩，乜搞到咁阿！望到紅髮ＭＫ個樣我忍唔住笑左出黎，紅髮ＭＫ無啦啦成臉又青又腫。
 


自從呢個雲哥黎左後，林舒寶雙手不斷抖震，好似係驚佢咁。雲哥明顯注意到林舒寶，佢同我講：「哈哈，我最鐘意有膽既人，咁我就直接同
 
你講，呢條女差我好多精未還，你係咪幫佢還先？仲有一單還一單，你打傷我細佬又點計？」
 
我：「好，我賠精你係咪放過我地？要幾多？你開個價。」