精子is money: 第二十三章 停手……

果然無錯，真係紅髮ＭＫ偷襲我，紅髮ＭＫ露出驚訝既異色，佢自以為打林舒寶果巴掌可以套用落我身上。呢個黑影原來就係紅髮ＭＫ隻手，從我見佢打林舒寶
 
兩巴掌，就估到佢會用呢巴打落我到，我既避開令到紅髮ＭＫ撲左個空，呢個情況我即刻衝上去踢佢下膝，紅髮ＭＫ即刻失去平衡，跌左落地下，不過我無因為咁樣而放過佢，

反而變本加厲咁打佢，我蹲係地下向佢小腹不斷揮舞雙拳，拳拳到肉，紅髮ＭＫ不斷掙扎，揮動佢既花拳繡腿，打落我結實既肌肉，就好似幫我Ｒ痕咁。
 
 
呢一切一切都只係發生於十幾秒之間，班ＭＫ小弟睇到目定口呆，連自己大佬被人打都唔識去幫，回過神黎先識得護主。ＭＫ小弟們衝向我到，

阿牛見狀立即起身幫我擋住果兩個小弟，呢刻阿牛就好似個巨人咁樣擋住係我前面，好有安全感，阿牛真係好高，我從後面仰望阿牛，起馬高我一個頭。



對面既小弟衝左落阿牛龐大既身軀，阿牛無出手，只係用佢龐大既身軀輕輕一擋，兩個ＭＫ小弟就被撞開幾米，但係ＭＫ小弟並無放棄，死唔斷氣咁撞過黎。


過左唔知第六定第七次後，ＭＫ小弟徹底放棄，眼白白咁睇住自己大佬俾我打，有個比較忠心既小弟話要切腹以謝紅髮啵，聽到呢句既我真係笑撚左出黎。
 
被我打既紅髮ＭＫ咬牙切齒，我見到佢個柒樣加多幾錢肉緊，企返起身用腳不斷掃踢，踢到佢抱住個頭，踢到佢成件衫都係鞋印，呢刻佢被我踢到全身抖震。
 
我問佢：「認輸未呀？」一拳車埋去佢塊臉到，打到佢口水橫飛。佢都係無應我。



 
我唯有蹲係地下用紅髮ＭＫ引以自豪既絕技，一巴一巴車落佢到，清脆利落啪啪聲。
 
紅髮ＭＫ喊左出黎：「我認輸啦，唔好再打我啦，我知錯啦大佬。」
 
我拍住佢塊臉同紅髮ＭＫ講：「乖乖地咪唔洗挨打囉傻仔。」跟手又再打左佢十幾巴先肯收手，打到佢成臉又紅又腫。
 
「停手。」一把低沉既聲音傳出……