精子is money: 第二十一章　手腳唔協調既人卻賣弄自己的舞姿

我望住眼前既人：「喂，林伯。」呢個就係呢間雲吞麵鋪既老闆啦，我地同林伯好鬼熟，由細食到大又點會唔熟呢？ 我同阿牛次次黎親林伯都會加底俾我地。
 
林伯低沉既聲音：「屌你！又係你地兩個死仔？收工呀？」
 
我：「係呀，照舊啦要快，好撚餓阿真係。」
 
林伯：「無問題即到。」

 
等緊野食既我周圍咁望黎望去，望望下到隔黎檯有班ＭＫ，心諗個女仔個背影咁熟既？


 
突然間，啪一聲，個ＭＫ仔打左掌落個女仔到，咁岩個女仔擰轉面，我望到佢個樣，佢塊臉好清楚咁有五隻火紅色既手指印。
 
我指住個女仔：「依，呢個咪岩岩係我間鋪果個靚女？」


「喂，阿牛，你知唔知呢個女仔係乜水？我硬係覺得好熟口面咁，算啦，你都唔會知咖啦，平時你都唔望女既。屌！都唔知你係咪Ｇａｙ既，唔通你鐘意我？」
 
阿牛冷冷咁講左幾隻字：「３Ｄ班林舒寶。」



聽到呢幾隻字既我呆住左咁望實阿牛，好明顯呢個答案我係完全預料唔到。平時阿牛不嬲唔會理學校既人事物既，呢個仲要係隔黎班既女添，唔通阿牛佢鐘意呢個女仔？

 
突然班ＭＫ企起身指住我地兩個，其中一個講：「屌你老母！望乜撚野呀？」
 
另外一個ＭＫ又講：「係囉，你老母四眼仔你講乜撚野呀岩岩？」
 
仲有一個ＭＫ話：「係囉，關你撚事咩！望望望，成撚隻狗咁。」
 
 


林舒寶摸實自己被人打既臉，望實我講左聲係你？
 
打靚女果個ＭＫ：「你乜撚野阿你？你講清楚Ｄ好啵，你識佢咖？你情夫？你學人偷情？」

跟住佢又打多一巴林舒寶，今次打埋林舒寶既另一邊臉。林舒寶雙眼微紅眼睛含淚，淚水瞬間流落佢既臉孔，猶如梨花带雨般，雙手不停抖震，

酥胸亦因此不斷起伏。周圍既食客好似知道Ｄ乜咁，佢地全部都望曬過黎。不得不說林舒寶喊得好靚，你可以話我衰，不過我真係幾鐘意睇佢喊。
 
 

個ＭＫ一路講聲一路吐口水落地，我真係唔知佢想點，咁樣型Ｄ咖咩？講返佢個樣先，呢條友不單止打女人，仲染到成頭紅毛，紅毛其實唔係問題，不過佢又無人地海賊王果個紅髮咁撚型，

佢既色加埋佢既Ｊｅｌ法就好似隻紅色既孔雀魚咁，紅髮貌似係ＭＫ大佬，佢一聲令下，隔黎兩個ＭＫ慢步逼近，同時佢亦行前。我望返阿牛，見到佢渣實雙拳青根微微顯現，

就係咁我地坐低咁望住三個ＭＫ慢步咁行過黎，三個ＭＫ仿若正在渣巴士中，極大幅郁動自己雙手，同時扭動條腰，佢地就似一個手腳唔協調既人賣弄緊自己既舞姿。