精子is money: 第二十章　街口雲吞麵鋪

阿花望左眼佢手上既晶片，好開心咁話：「依，我又多左Ｄ精子啵，我諗係我屋企人轉帳俾我咖，唔洗啦我自己俾得啦，不過都多謝曬你。」

阿花用晶片拍左一下結帳機，嘟一聲部結帳機顯示扣左精，完成交易。阿花擰轉頭直接拎住袋Ｂｒａ就咁行走。
 
佢臨出到門口既時候，我先醒起幫佢揀左套黑色既哩士睡衣，我將佢包好佢，送左俾阿花，呢份我諗係第一次送俾女仔既禮物。
 
阿花收左我送俾佢既禮物講左句：「多謝你，拜拜啦。」然後阿花就走左

 
阿花走左之後，無幾耐就有幾個客人入黎，但無個係靚女黎，我好失望。佢地全部都係師奶黎，對我既語氣勁差，又要睇呢樣又要揀果樣，一聲唔該都無，不過


 
我都係要死死氣咁招呼佢地，無計要搵食嘛。我已經習慣左吞聲忍氣，就係咁忙左成個下午。
 
直到夜晚，我就收工既時候有個靚女入黎睇，第一眼望佢已經覺得個樣好熟口面。
 
我見佢係靚女黎緊係好熱情咁招待佢啦，諗住俾Ｄ專業建議佢。
 
點知個靚女話：「唔洗啦，我自己睇下得啦。」

 


咁佢講到呢句，我咪企埋一二邊俾佢慢慢揀，唔知點解我望住佢個背影，愈睇愈覺得好熟眼。
 
我見個靚女周圍望黎望去好似唔知搵緊咩咁，我問佢：「小姐請問你想搵Ｄ咩？我可以幫下你咖啵。」
 
靚女話：「唔洗啦，無野啦。」跟住佢就行出左間鋪，我心諗唔通我講錯野？
 
我望住牆上既時鐘指住八點三，睇黎寶拉姐唔會返黎咖啦。咁我就諗住收鋪先，我平時係收八點既，寶拉姐應該唔會怪我掛。

我打完卡，熜曬燈，鎖好曬間鋪就行左去隔黎街諗住等埋阿牛收工，阿牛係收八點半既。




我企左係阿牛間便利店出面等佢，無耐，阿牛係佢間鋪行出黎。我搭住阿牛膊頭問佢：「喂，收工啦？去食野啦。」
 
阿牛：「嗯。」
 
我地行去街口間雲吞麵鋪，呢間鋪我同阿牛成日收工都黎食，又平又好食，仲平過自己買餸煮飯，食完又唔洗洗碗咁鬼麻煩，直接俾精賣單就拍拍屁股走人。
 
最緊要既係由細食到大食開有感情，咁多年黎價錢都無咩點變，雲吞Ｄ蝦又大粒，麵底食落又爽又彈牙，絕對足料，湯底更加唔洗講啦，絕對無一間鋪可以比得上佢。