港足守護神和他背後的守護神: 31 - 學界賽最佳守門員？

「喂，振華，搞咩突然之間搵我哋。嘩，你黑眼圈咁大嘅？」

說來慚愧，我約了球隊前鋒陳兆偉和隊長李浩強在何文田某咖啡室，但是遲到的竟然是我。

我想起師姐蘇家祺（我會嘗試不再想起她）講述當年學生會選舉的論壇趣事。其中一個內閣被質詢為何有這麼多違規事項，而他們的主席站起來回答，表示遲到是人之常情，最終這個內閣落選。

我當然不可能這樣說吧。

「對唔住兩位，我落樓嘅時候miss咗班車，要你哋等唔好意思。」





李浩強：「你今日搵我哋兩個落嚟斷估唔係為咗飲杯嘢㗎，搞咩呀？」

我在背囊中拿出一步手提電腦：「我上“元朗足球”youtube page特登去搵返下輪X島中學今年分組賽嘅比賽片段，佢哋今年過關斬將勢頭好兇猛。」

陳兆偉：「係呀，我都有望過吓啲精華片段，11個鬼佬基本上身體質素玩曬，場場都大勝。」

李浩強：「上年佢哋同男X萃比賽，佢哋個守門員好勁，救咗好多球波，係去到加時先輸。」

我回應：「係啫，但係佢哋唔係無懈可擊，例如佢哋贏4-1、7-2，對方實力唔強都入到佢哋波。」





陳兆偉：「係啫，但係機會真係唔大。」

李浩強表示：「老實講，我都諗緊有咩戰術。就算真係縮喺後面，以我哋嘅身高同埋身型，都會畀人屈死。」

我在手提電腦開出X島中學分組賽的比賽片段：

「我睇過佢哋喺分組賽失嘅嗰五球，有一個共通點就係所有失求都係喺守門員右手邊嘅貼柱死角地波。你睇下呢一球，球速唔快，角度係好刁鑽，但係佢哋keeper落地好慢。」

陳兆偉表示：「真係喎，咁嚟緊比賽我射多啲貼柱地波先，入返個帽子戲法再講。」





李浩強馬上表示懷疑：「你係咪真係射到球球貼柱地波呀？仲有，嗰場比賽好大機會會受壓，你係咪有咁多次機會都難講。」

我詢問隊長李浩強：「其實我哋咪應該通知一聲領隊？」

李浩強回應：「係呀，我哋比賽之前一齊講啦。」

八強比賽開始前，我和隊長李浩強跟潘sir講了這一情況。

潘sir在賽前講話提醒了全隊：

「今日我哋歷史性入到嚟八強，八強入面每一支球隊都唔弱，而實力差距都唔大。我哋每個人都有自己擅長嘅嘢，做好你哋嘅職責，做好防守唔好甩人。

另外，葉振華有走嚟同我講，佢用咗成晚時間睇返曬X島中學喺分組賽嘅比賽片段，佢留意都對方所謂畀方向報吹到係學界最佳守門員，佢右手邊嘅貼處地波輸最多，大家留意下。同埋，係咪應該要畀下掌聲認真準備比賽嘅葉振華先？」

潘sir說完這句後，圍在場邊聽賽前講話的大家也一起鼓掌。





潘sir繼續說：

「同埋方向報吹佢係學界最佳守門員梗係唔啱啦，學界最佳守門員肯定係我哋葉振華，你哋話係咪！」

大家異後同聲地說：

「係！」

我也是當中的其中一份子。

說回今天比賽，以下是八強對陣X島中學出場正選陣容，是一個433的陣式。

守門員 23號 葉振華
左閘 6號 麥栢倫




左中堅 3號 馬基樂
右中堅 5號 方國偉
右閘 12號 盧鈞凱
防中 4號 白石
左中場 8號 黃家偉
右中場 10號 李浩強(C)
左翼 17號 李儀廉
右翼 7號 陳百加
前鋒 9號 陳兆偉

繼續是沿用正選11人的我們這場比賽壓力是非一般的大，因為對方球員的身形比起西亞中學的球員更高大，體能也更好。

隊長李浩強制定了一個戰術：

「論身型我哋唔夠佢哋大，淨係縮喺後場好容易畀人高Q大棍炸到收皮；論體能佢哋更加好，守落去我哋都冇乜著數。既然縮後冇著數，我哋今日要同佢哋搶攻、迫搶足全場！」





大家回應：

「好！」

比賽開始，陳兆偉在中圈位置開球，然後回傳給防中白石。白石傳給左後衛麥柏倫，麥柏倫長傳給高速插上的左翼李儀廉。

李儀廉單對單面對對方右後衛，選擇傳到對方禁區頂的位置。

此時黃家偉拍馬趕到，左腳勁射。

這腳遠射偏離出球門大約兩個波位。

只見隊長李浩強拍手，說：





「咁樣打就啱喇，我哋繼續進攻！」