港足守護神和他背後的守護神: 30 - 今次你仲唔死？

陳慧恩的內心是不是怪物，我不知道。但是我十分確定她絕對不是動漫裏的主角，因為動漫裏的主角必定能夢幻逆轉，然後在學界賽中過關斬將，一路披靡，直到獲取最後的冠軍，入選港隊。

在這球出界後，眼前的比分牌顯示著：

19-21 23-21 21-19

這就是這場比賽的結果，德X中學的選手以局數2比1晉級下一輪。

比賽結束後，陳慧恩與對方握手，然後......





徑直向着我的方向走過來，指着我：

「唔使匿埋喇，我一早已經見到你嚟咗。」

原來我費盡心思希望隱藏我的存在，但是她一早已經發現我坐在觀眾席。

我真失敗。

我微笑着走過去，說：





「妳呢場打得好好啊！」

她連忙自誇（某程度上並沒有跨大的成份）：

「呵，梗係啦使乜你講。」

我把手上的寶礦力遞給陳慧恩：

「嗱，請妳飲啊，今天辛苦晒妳喇。」





陳慧恩此時也不客氣，馬上打開樽蓋大口大口地喝。

「多謝你今日你支持我，同埋你支寶礦力。」

其實今天我最主要不是為了來支持妳的，雖然這一句說話我不會說出口。

我也想指出，她在比賽中全力以赴的樣子十分吸引，每一下的揮拍、救殺球、扣殺也讓我這個。

我搭著陳慧恩的肩膊，說：

「妳今場好強啊。」

「唔強。今日場比賽好難打啊，條友一直佔上風，幾乎冇乜大破綻。好攞命。」

對，差點不記得我今天來的最大目的。





「我想問下，其實妳當初知道抽到二號種籽，妳嘅心情係如何？」

「平常心囉，老實講我可以點。驚一餐？」

「驚一餐」好像就是現在的我......

她繼續說：「咁我抽到呢個對手，上到比賽場上面佢勁就一定㗎啦，我預先都有咁嘅心理準備。呢場其實我幾想像中更加快站穩腳跟，可惜我去到比賽最後體能唔太跟得上。不過，喺大部分情況下拉成軍世已經算係做到賽前部署。係囉振華，點解你無啦啦問埋啲咁嘅問題。」

「我聽足球隊隊長話我哋係第一次突破分組賽，但八強抽到上年亞軍。見到咁強嘅對手我擔心我哋會輸波，今年同隊友一齊練波同埋經歷比賽嘅種種令到我好深刻，有一啲人今年之後會升上B grade。如果我呢場輸咗就冇機會再同佢哋踢波，真係諗起都覺得煩。」

「你咁樣有咩意思啫？你諗下對住比你強嘅對手本身就好困難，如果你因為驚輸而綁手綁腳，係咪會加大你輸嘅機會呢？」

「唔......」





「你明唔明白你其實唔需要擔心。你有能力，你嘅隊友都有足夠嘅能力，你集中喺準備比賽上面啦，諗再多嘅嘢都冇用，你諗下如果我今日比賽掛住諗對方係2號種籽、點算，咁樣仲點樣比賽呢？」

對呀，為什麼我要這麼糾結？

我回應她：「妳講得好啱，確實，我都唔知我苦惱啲乜，仲要特登走過嚟問你啲咁嘅問題。」

陳慧恩說：「你而家諗通就得啦。加油啊，你一定會贏㗎。」

我表示：「希望啦......」

陳慧恩馬上打斷我：「唔係希望，係一定會贏！」

看着她這招牌的笑容，我也彷彿被感染：

「好，一定贏！」





陳慧恩說：「你唔應該成日諗嘢咁悲觀。樂觀啲喇，你得嘅。」

聽完她的提醒後，頓時茅塞頓開。

其實X島中學又有什麼好怕呢？

我相信沒有球隊一個弱點也沒有。

好吧，讓個回去後馬上作資料搜集！

X島中學，香港的著名國際學校。

他們的身型和體能一定比我們佔有，究竟我們有戰勝他們的方法嗎？





我想到一個可能：

他們整體實力比較強，但有沒有個別的球員是球隊的弱點呢？

那天晚上，我翻看西島中學前幾場比賽的錄像帶。

他們以幾場大勝進入淘汰賽，但是......

我看到當中的一個小破綻，嘴角微微向上。

今次你仲唔死？