港足守護神和他背後的守護神: 6 - 交回條

對，我最後真的只是報了Chess Club。

我並沒有任何動力去參加活動，想hea住返學就算了。

第一天上學只是半日課，在班主任處理完班務和聽完不知甚麼訓導講座後，便很快放學。

那一個訓導講座我也忘記了大概的內容。我只記得訓導主任吳sir指出discipline的最高境界就是self-discipline，即是自律。

我在把那些零碎的一張二張通告放進folder裡，然後離開班房。





我走向學校門口，經過了校務處。

啊！不看見校務處，我也想不起要交課外活動那紙。

我又要打開書包拿出folder，去找出那張小小的課外活動回條。

幾經辛苦，我終於找到那躲在大量A4紙通告中間的回條。

然後在我抬起頭後，發覺到一個更大的問題。





我應該把回條交給校務處的哪一個職員呢？那裏有大概十個人坐在辦公室裏。

正當我站在原地不知想做什麼的時候，有一隻手拍了我的肩膀一下。

「呢位師弟，你係咪嚟交課外活動回條㗎？」

拍我肩膀的是一個很高的女同學，估計她是讀高中的師姐。

「係啊，我應該交畀邊個？」





她回應：「等我幫你啦。」

然後，她便走出了校務處。

喂喂喂。

唔係話幫我交回條咩？

正當我想問她到哪裏去，她把我的回條放進校務處門外的一個紙箱中。

「回條係交喺呢度呀師弟。係喎，我應該點樣稱呼你？句句師弟師弟咁嗌你唔係太好。同埋今年你係咪第一年入嚟？」

「係啊，我叫葉振華。唔該曬師姐，係喎，咁師姐點稱呼啊？」

「我叫蘇家祺，而家中六。你今年第一年入嚟，知唔知道嗌外賣嗰啲嘢？」





外賣？係喎，我完全冇care度飲食個問題。

「唔知呀，附近有咩餐廳推薦。同埋我可以喺學校入面用電話咩？」

「你可以去學生會室門口借電話。」

然後，蘇家祺降低聲量說：

「當然你都可以小息喺廁所偷偷地開電話嗌外賣。記得唔好同人講係我教你。」

「得，冇問題。」

「你第一年入嚟應該冇餐單㗎啦。我手頭上有唔少。我畀幾張你啦。」





他從書包裏的一個文件夾中拿出幾張餐單。

「需要嘅就用嚟嗌外賣啦。唔講住喇我有嘢做，有機會再講啦。Bye Bye。」

「Bye。」

望著蘇家祺遠去，我內心有兩個感受。

首先是：好的，終於能夠離開學校了！

其次是：這個師姐的長腿真的很吸睛。

出到學校門口後，我接到一個不想接但始終要面對的電話。

「喂，華仔。」





「喂，堅哥。」

「你嗰日走得甩咁符碌嘅。」

「係啊。」

「冇理由大麻成會畀你走嘅。有冇做二五仔呀？」

「冇啊大佬，真係冇。」

「你話冇係冇用嘅，要解釋嘅返去同龍哥解釋，你而家係咪放咗學喇？」

「係。」





「你而家即刻過嚟我哋呢邊。」

然後，堅哥便掛斷了電話。

縱使萬般不情願，我還是乘車到達了他們的窩中。

進到去龍哥的房間後，我看到龍哥旁邊站著兩個護衛，堅哥也坐在一旁。

「龍哥。」

「華仔！你嚟交代你嗰日做咗啲咩！」

ig: marx_ice_