港足守護神和他背後的守護神: 5 - 唔報！

妖，我都講過唔好再喺我面前提足球㗎啦。

我轉過頭去，沒有理會方國偉的提問。

方國偉見我沒有理他，可能因為他認識了我很久，所以也退出了對話，在班房隨便找到一個位置坐下。

很快，班房裏內的座位也被同學佔領，很快便接近坐滿班房。

班主任也進來了班房，並且於同學敬禮後開始處理很多瑣碎事情。





「各位同學，我哋開始收功課啦，請將你哋嘅暑期功課傳出嚟。」

其實老實講，我也很好奇究竟有誰會認真做暑期功課。

我忍不住詢問坐在我旁邊的同學：

「呢本暑期功課你係抄答案定係全部自己寫？」

他回應：「你估下？」





咁有趣？究竟邊個會認真做？

「我唔覺得大家會認真逐題逐題做囉。」

他回應：「咁梗係啦，邊個想理佢呀。不過我就冇抄曬嘅。」

我好像找到了知音人一樣，回答：

「啱呀啱呀，我基本上每版都錯返一兩題。」





旁邊的他微笑著點頭。我正希望講多兩句，但是被坐在我後面的同學打斷。他不斷用一疊的作業簿拍向我的肩膊，並且說：

「你阿媽個仔。你阿媽個仔。」

我轉個頭來，望著這位身高比同齡人高、戴著圓形黑色框眼鏡的同學：

「得喇知道喇。」

對，由於我只掛着談話，忘記了後面的同學正在傳暑期功課出來。

傳完暑期功課出來後，班主任要求每一行的第一位同學記下誰欠交。

旁邊的同學對我說：「有乜可能欠交呀，呢啲功課咁簡單咁垃圾，係多啫，抄答案得啦。係喎，點稱呼你？」

我回答：「我叫葉振華。」





「我叫戴榮昌。等陣先，唔係真係有人欠交啊嘛？」

「係囉，撩隻龜上去咪得囉，求其寫啲嘢都好過唔交。」

我的這一行有一位同學欠交，正是坐在我後面的那一位。我向班主任報告說：

「我哋呢行爭李卓軒同學冇交。」

「唔該。咁計埋計埋，除咗陳慧恩同學冇返之外，仲有三位同學欠交功課。」

陳慧恩？

嗯。講起這個女仔，當天我幫她保管着銀包，在離開的時候我忘記了這件事，直到回家後才發現我還沒有把銀包還給她。





我正愁應該怎樣處理。既然她與我在同一間學校的同一班，那麼，我只要等她回來，就能夠把銀包還給她了。

好，我又少了一個煩惱。

正當我正在沉思的時候，我聽到班主任正在說這句說話：

「好啦，各位同學接住落嚟要處理嘅就係報學會。」

學會？

甚麼東西來的。

有申請成為不同社和不同學會的幹事，有小園丁、派報紙、多媒體學會，有音樂學會、羽毛球校隊足球學隊，也有中文辯論學會、化學學會等。

咦？





棋藝學會是什麼東西？

正當我一臉迷茫地望著這一張表格的時候，班主任繼續說：

「學校規定所有同學至少要報一個學會，最多可以報三個。」

我唔想報啲乜冬冬學會喎，至少要報一個咁契弟？

坐在我旁邊、身形略胖的同學問我：

「喂，想報咩學會？」

「我想唔報呀大佬。」





「咦，如果唔想報嘅話可以報chess club。我聽啲師兄師姐講，我哋學校嘅chess club年年都冇活動，有啲師兄師姐就係為咗想咩都唔報所以報咗六年chess club。」

「正喎，咁我又報先。阿昌，你諗好報咩未？」

「未呀，不過佢話放學先至去地下交，到時再算啦。」

在小息的時候，方國偉各位再次走過來問我：

「葉振華葉振華，認真啊喂，你報唔報學校足球隊呀？」

我斬釘截鐵地簡單回應：「唔報！」

說罷，我就離開班房去上廁所。