真人真事改篇﹕師生戀﹕《最接近的陌生距離》: 第三十二章之五

嗄⋯⋯⋯嗄⋯⋯！邊條仆街⋯⋯嗄⋯⋯！⋯⋯嗄⋯⋯邊條仆街起Mega Box架？ 邊條仆街要將UA起到咁高架？！

我由聯合醫院飛的去到Mega Box. 再由底跑上去UA戲院! 雖然有穿梭電梯，但都夠跑死我！你問我做咩唔搭𨋢？人多又層層停！我跑仲快過佢啦！

我喺第二條穿梭電梯回緊氣，諗返起頭先同蟲蟲講再見時太倉卒，佢喺我手心寫低咗佢電話，話想以後Whatapps溝通會方便啲，同埋方便之後交收佢條手鏈。我攤一攤手，原來我緊張到手心都冒汗，搞到啲字都化化地。

終於去到戲院嗰層，我一邊行去戲院一邊環視四方想搵Miss出嚟。冇電話真係唔方便，我最怕佢白白咁等咗成個鐘，呢次Miss實嬲死我啦！

「冇人嘅？」我喺戲院門前失望咁講，Miss唔喺度添！唔通走咗？





我好焦急咁想搵電話又或者借個差電都好呀！好想搵到Miss呀！

此時⋯⋯

「低B仔！」

聲音喺我上邊傳嚟！我隨聲一搵，我望去樓上一層，見到Miss依喺欄杆對我笑住揮手。

「盈盈！」見到佢笑，我就放心晒。





Miss好快咁由上層行落嚟，我即刻衝上前攬住咗佢。

「喂喂！唔好呀！」Miss想推開我，但我攬得好實，佢一時推唔開，佢喺我耳邊笑住咁鬧：「講好咗唔好隨便攬架嘛！呢個商場好旺架！會比人見到架！」

「Miss對唔住我遲咗！我好驚你嬲我呀！」

「真係比你激死！我似咁小器架咩？！」Miss最後由得我攬住，仲錫咗我一啖：「黎Sir講晒我知啦！你送咗個婆婆去醫院嘛！」

Miss拍一拍我肩，示意我唔好再攬。但我捉住佢雙手話：「你真係冇嬲？」





「冇呀！你做正經嘢呀嘛！而且你咁乖仔識照顧老人家，Miss點會嬲呀。」Miss搣咗我個鼻一下,話：「哈⋯⋯你好似唔同咗嘅？大個仔咗？」Miss好似家姐咁撫我髮頭。

我比佢搞到有啲難為情 就話：「邊有呀？⋯⋯Miss, 我地快啲去買飛睇戲啦！」

「開咗場啦！」Miss有啲失望咁講：「下一場係九點鐘，好晏。惟有下次先睇啦。」

「照睇啦！星期六唔怕夜喎！」

「呢度近你屋企之嘛！但唔近我住嗰頭架。」Miss抱怨咁講。

「怕咩呢！」我個樣變得古古惑惑，Miss一望就知我諗緊啲衰嘢，已經準備想打我。我喺Miss耳邊講：「我爸爸媽媽又掉低咗我喺香港啦，所以⋯⋯」

「所以你個腦剩係識諗『嗰啲』嘢啦！係咪呀吓！」Miss扭一扭我耳仔，個樣唔知好嬲定好笑。

「哎吔⋯⋯咁⋯⋯咁⋯⋯明明你話想⋯⋯一星期最起碼『要』一次架嘛。咁今次我出地方囉⋯⋯」我無辜咁講。





「你仲講吓話？！」Miss先係好惡咁鬧，半秒之後就甜笑說：「去買飛啦低B仔！」

「嗯！」

Miss行去戲院時，我從後想上前拖住。但佢好快咁縮手，無奈又好歉意咁對住我苦笑。唉，都冇計嘅，始終Miss都係事業為重。只不過初初答應佢時係冇諗過，拍拖但唔可以拖手嘅感覺原來真係差咁啲嘢。

唔緊要啦！師生戀，預咗嘅！

= = = = =

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師