真人真事改篇﹕師生戀﹕《最接近的陌生距離》: 第二十四章之八

仆 街！又係肥B！佢應該一早匿咗喺廁所煲煙！好死唔死比我撞到佢！

我立即嗱嗱聲走。呢個時候佢啲跟班衝上黎擋住咗我，仲迫左我喺角落頭度。由於成個廁所得我同佢，肥B氣焰特別大！

「你又想點呀？！」我向佢大叫。

啪——！我首先食咗佢一巴掌！

「有叫你出聲咩？我都未請你食Lunch！」肥B對住我笑，拍住我塊面咁講：「請你食雞翼好冇呀？」





話口未完，佢一拳打肚，我哇咗一聲，就摸住個肚彎腰。然後背脊一陣劇痛，我知道佢用成個身嘅力，用手肘打落我背脊度。

然後佢扶正我身，笑住話：「好嘢喎！打足你咁多日，真係唔還手架喎！我唔信，試多次先。」

然後佢重施故技，我又食多兩隻「雞翼」。

「點呀！嬲唔嬲呀？」肥B拍我塊面講：「講樣嘢你知，包你著火。而家成個中三都講緊你條女壞話呀。」

我即刻火起，掙扎咗一下，又比人撳住咗。





肥B好滿足咁大笑，話：「屌！早知直接郁你條女啦！」

「你想點呀！」

「我想你同我打大交！我大佬個結拜好想收你皮呀！佢托我一定要辣著你同我隻揪架！屌，你知唔知你呢條撚樣搞到我呢幾日幾咁忙呀！」肥B講完又濕多我一拳，佢一邊拍我塊面一邊繼續講:「今日好日子啊！如果你喺家教會啲人黎嘅時候打交，周Sir一定好招呼。」

我知咩事。肥B受周Sir所託，挑釁我同佢打交。然後搵個藉口記我過！再踢我出校！咁我更加唔可以衝動！

「忍得住喎！食多隻「雞翼」先啦！」





然後我被佢再用同樣方法毆打。都唔知打咗幾多次，佢地又的返我起身。

我忍住痛，雖然好嬲，但我仍然保持微笑，話：「你真好戇鳩。」

「咩話？」肥B得意洋洋咁笑。

「蠢嘅人揀做狗都算。而你就做狗嘅跟班，你簡直狗都不如。」

「哈哈哈哈哈——！」肥B大笑。

「哈哈哈哈哈——！」我都大笑。

「狗啊嗱！」肥B一手掌摑，再反手一下：「狗啊嗱！」

「哈哈哈——！」雖然我塊面好痛，但見到佢而家被我激到成隻老虎狗咁嘅樣，我就覺得太爆笑！





而且我好似將呢一星期發生嘅事，將所有複雜嘅情緒以狂笑嘅形式表達出黎。

「啊哈哈哈嘿嘿哈哈哈——！」

「的佢埋去！」肥B大叫一聲：「仆街仔你咩輩分呀！串我？！」

然後我被佢地夾手夾腳推咗去浸滿咗水嘅洗手盆度，肥B一手將我撳落啲水度！！

「咁撚臭串！」

「嗚——哇——」啲水係咗攻入我眼耳口鼻，即刻有一種窒息嘅感覺！

然後一陣天旋地轉，我已經被佢地推咗落地，成個人挨咗落兩個尿兜之間。





我慢慢起返身，同佢地三個對峙。肥B見我咁樣被佢地打法都唔還手，佢樣嬲得好難睇。

「你為咗條女所以唔還手？」

「唔關你事。」

「哈⋯⋯傻仔，你為咗條女得罪周Sir。你睇吓，我地一啲事都冇。你呢！有排你玩呀！」

「我已經冇嘢好輸。」

「你繼續硬頸呀！」肥B挑釁咁講：「知唔知點解你條女啲嘢被人傳開晒？係我做架！因為周Sir咩都講晒我知！佢話呢個女人cheap貨嚟架咋！」

「佢唔係。」大腦入面嘅理智線拉緊咗。

「佢地個個星期五都會去玩。」





「佢冇。」理智線拉緊到發出崩崩聲。

「你條女係仔都攬架!係仔都錫！係仔都溝架！」

「你唔可以！再咁樣！講Miss Wong呀！」只差一步，我條理智線就會斷。

.
「你條女唔止被周Sir玩過架！被好多男人玩過架！佢係臭雞黎架！」
.

我腦中即刻閃過時鐘酒店前嘅畫面、周Sir嘅車、仲有疑似周Sir嘅身影。一切近日我聽到關於Miss嘅流言蜚語不斷喺我腦入面徘徊，直至「叮」一聲，我條理智線斷咗，成個世界靜晒⋯⋯

.





「我屌你老母！———！！！！」
.

我眼前快影遊移，只感到右手握咗個又痛又硬嘅拳！我用力一揮，指骨有一下痛楚。然後我聽到一聲慘叫——！！

= = =  =
ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師