真人真事改篇﹕師生戀﹕《最接近的陌生距離》: 第十九章之五

Lunch，課室。
 
我地四條粉腸一齊食飯。今日撚狗咁撚左周Sir一鑊，令 我地嘅心情異常興奮。
 
「Brother!」 我地四個一齊大叫。
 
因為太嘈關係，Miss好惡咁叫我地靜啲。
 
「大哥，可唔可以講下頭先咩狀況？隻狗公有咩反應？」
 


「你先係大哥！哎吔——」阿偉講完之後突然流鼻血，好狼狽。
 
「哇——集體打飛機搞到你噴晒血？咁精彩？」
 
「呢排成日咁，可能天氣乾燥。」阿偉止一止鼻血就話：「其實頭先我都係搏下咋。我諗住水鳩周Sir上去就算。」
 
「即係根本冇人打飛機？」我
 
「上到去梗係冇人集體打飛機啦。」阿偉：「但因為周Sir本身係輔警，上到去佢職業病發作，走去調查啲根本唔存在嘅嘢。哈！又真係比佢查到啲嘢出黎喎！」
 


「查到咩？」
 
「煙呀火機呢啲囉。但最爆知唔知係咩？」
 
「係咩？」我同其餘兩條腸粉挨埋啲講。
 
「真係有兩個師兄喺廁格打車輪呀！」
 
「哇———！」
 


「周Sir嗰時真係拍戲咁，兜腳破門，大嗌『咪郁』！跟住就見到兩個師兄裙拉褲甩咁走左出黎。」
 
「要趴埋牆捅櫃喎。」我。
 
「係林尚義咁『做咩打車輪唔預我』呀！」杰少。
 
爆笑左一陣，阿偉又講：「咁我梗係順水推舟話就係佢地集體打飛機啦！」
 
「咁佢地好無辜喎！」我。
 
「嗱！大哥！好彩有佢地，周Sir應該成個Lunch都唔得閒。」阿偉：「佢唔會煩到我地嘅女王大人架啦！」
 
我好感激咁拍左一下阿偉肩膀！
 
「總之今日多謝大家。我地救左Miss， 條狗公埋唔到Miss身！Brother！」


 
我向我地四個中間擺左個拳頭出黎。
 
「刀裡刀去。火裡火裡去！Brother!」阿偉一樣擺出拳頭，貼住我拳頭。
 
「雖然我唔知咩事。但騎士保護女王大人係天職。所以⋯⋯Brother!」杰少一樣擺出拳頭。
 
然後我地三個望住阿波：「Brother?」
 
「食埋先啦！」佢一口意粉咁對住我地講。
 
「搣佢佢肥仔Lin！」我大喝一聲。
 
「死肥仔又係你！」「合群少少啦！」「食死你呀！」
 


「喂⋯⋯喂⋯⋯我粒Lin呀！唔好拉呀！！」
 
人生啊⋯⋯有兄弟係最幸福嘅事！
 
玩到咁上下，我見阿偉啲鼻血又流過，笑住咁講：「你係咪隱性Gay呀？興奮到而家？」
 
「一定唔係囉！」阿偉。

= = = =
 
ig: ar_hong_91
 
#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學