真人真事改篇﹕師生戀﹕《最接近的陌生距離》: 第十八章之四

「⋯⋯嗰時開學前兩星期，我入職冇耐，我同Vick嘈緊。佢大大聲鬧我有本事就出去識男仔。所以我未做比佢睇囉⋯⋯」
 
我同Miss已經上左車，正喺歸家路上。Miss情緒都未完全穩定，佢好平淡咁講嘢，但眼角不斷滲出淚水。佢挨住我，要我好好咁攬實佢。
 
「⋯⋯所以我同周Sir每星期五一收工就去玩。我當時新黎，我唔熟佢背景，唔知佢已經結咗婚。」Miss抹眼淚：「嗰時我覺得佢都幾Man，人又幾好而我又係新人一個咩都唔識，一方面想佢做我明燈教我做嘢。另一方面我係想試下同周Sir一齊，等我可以甩咗Vick。」
 
Miss交代緊佢點解會識著呢隻狗公嘅經過。Miss識男朋友個準則都幾令我意外。
 
「嗰時周Sir都仲好規矩，對我好有禮貌。」Miss:「玩完就散，會揸車送我返屋企。」
 




「咁⋯⋯你同佢有冇⋯⋯咩咗？」我忍唔住問左我比較關心嘅問題。
 
「有錫囉。」
 
唉⋯⋯個KISS失左守。
 
「因為佢知我同Vick未正式分手，佢話再進一步嘅關係就等我正式分手先做。」Miss：「我當時有啲感動佢幾尊重我。我真係信佢，之後個個星期五一定會同佢去玩。佢介紹佢嘅朋友我識，我又會帶我啲姊妹去。我都會喺姊妹面前明示暗示周Sir係我新男朋友。而周Sir繼續搏取我信任，佢表現自己唔係一個渣男，所以一直都冇提出要同我爆房。對我仲好溫柔添。」
 
成人嘅世界，真係多姿多彩，亦都相當複雜。
 




「因為我同佢嘅關係，我喺工作上方便左唔少。可以做一啲容易有成績、容易升到職嘅工作。」Miss:「亦因為咁，其他同事就好憎我。」
 
Miss抖左一陣，又講：「最後有個年長少少嘅Miss同我講，周Sir其實結左婚。我當下就好嬲。即刻想同佢撇清關係。但無奈已經太遲，我個形象喺同事度好差。甚至⋯⋯連學生都覺得我⋯⋯唔似一個老師。」
 
我感受到Miss好似就黎要喊，所以我又攬一攬佢。
 
「⋯⋯工作上，我同周Sir有好多合作。根本避唔開佢。而家喺學校我只會同佢講公事，其他就唔多講。」Miss:「但佢就誤會我同佢之所以唔可以開始，係因為佢已經有老婆。所以⋯⋯佢今日話打算同老婆離婚，我就好驚啦！」
 
Miss開始喊：「我好驚啲同事以為我係第三者，搞散人地家庭！」
 




「低B仔！點算呀⋯⋯嗚⋯⋯」Miss喊得好犀利:「我可以點做呀⋯⋯」
 
我錫左佢額頭一啖，我問自己⋯⋯係囉，可以點算呢？
 
我可以點做？
 
我只係一個16歲讀緊中四嘅細路仔，我剩聽到成人世界個複雜性就已經一頭都係煙！我連交齊功課都做唔到！更何況要幫Miss處理呢啲問題？
 
佢屋租問題我處理唔到。
 
佢人際關係問題我處理唔到。
 
佢陷入危險時我處理唔到。
 
佢比人羞辱時我處理唔到。




 
我根本觸及唔到佢個世界，我⋯⋯我⋯⋯我好無能為力。1
 
自己女朋友要一個人面對呢啲委屈，我竟然幫唔上忙。呢一刻我真係好討厭自己！
 
討厭自己點解仲係一個細路仔！點解我仲未大個！點解我咁冇用！！
 
我更深深體會到，同一位成年人拍拖，原來唔係剩係得開心咁簡單。我要盛載佢生命中嘅一切、佢嘅過去、佢當下嘅困難⋯⋯但係，我做唔到⋯⋯
 
 
真係做唔到⋯⋯

= = = =
 
ig: ar_hong_91




 
#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學