真人真事改篇﹕師生戀﹕《最接近的陌生距離》: 第十二章之三

嘩⋯⋯嘩⋯⋯呢個畫面，永世難忘。

「得未呀？」我喺枱另一角等緊，當然呢刻我唔介意等。

「咪嘈啦！」Miss趴喺枱度，拎住碌Q左度右度。

崩！一聲，Miss將粒白波打落啲紅波度，有幾粒落左袋。Miss好開心咁Yeah左出聲，話：「我繼續架啦。」

好好，梗係好啦。





Miss帶左我去保齡球館玩。碌齡之前，Miss話想篤下波。好感謝Miss呢個決定，令我隻眼食雪糕食到飽晒。

Miss今日嘅露肩裝玩枱波真係一流！當佢趴低篤波時真係倒奶咁倒。對波壓住張枱時變到扁扁地咁，真係好吸引。呢個時候我認真咁𥄫，發現佢對波嘅皮膚真係吹彈可破，若隱若現嘅血管令成對奶嘅色水非常之好。

睇完波波，梗係睇埋個籮啦。我扮晒諗下一round點打，喺枱邊行來行去，最後行去Miss後面。

Miss趴低個身，個Pat Pat好自然咁翹起左。 由於係slim fit嘅牛仔褲嘅關係，條褲貼貼伏伏咁包住佢個pat pat! 形狀就好似個桃咁。Miss對波同蘿都係咁出色。 我又諗到，Miss真係好鍾意著啲可以展現到自己身材嘅衫。

喺Miss準備打多一Q時，我講左聲等等。





「咩事呀？」

我拎左手機出黎，開左拍攝模式，將部機打橫咁對住佢。

「Miss你繼續啦。」

同一時間我按左個快門鍵。

卡嚓—！





崩—！

「Miss, 你睇下。」 我將影左佢相嘅手機交比佢。

Miss望左一眼好吃驚，因為相入面佢望住目標個眼神好銳利，佢美麗嘅容貌添上帥氣嘅感覺。當然唔少得佢對奶。 Miss望住一張又型又性感嘅樣，好驚訝咁望住我：「Ok喎！你識影相架？」

「還可以啦。」係得戚嘅。

「咁幫我影多幾張啦。」

一早知佢港女格，打卡影相呢啲少不免。識一兩招影相旁下身果然有用！

可惜Miss擺好晒pose要影相時，佢電話又響。Miss即刻收起晒啲笑容，我感受到佢一股壓力想喺心入面爆出黎。

Miss坐喺喺波枱，翹住腳咁聽電話。佢又變返學校嗰個惡樣。 十成九又係學校嘢煩住佢。過左一陣佢收左線，同我講：「你出去自己碌住齡先。我有啲煩嘢要搞。」





「又係學校呀？」

「係呀。我地嗰班有同學惹左啲麻煩，要搵佢家長。」

「邊個仆街阻住晒呀。」

於是我自己好悶咁碌保齡。玩咩，我都唔識碌，野野落晒坑咁。而且冇左Miss喺度，我玩黎都冇意思。

「搞店晒啦？」

Miss行左埋黎，苦笑住話：「係掛？」

「咁你教左我碌先。我唔識玩。」我正想拎粒保齡比Miss時，Miss電話又響。Miss對住我笑，佢就黑晒口面咁坐埋一邊。





我碌波都唔專心，因為想偷偷地聽下Miss講緊啲咩。 雖然一定幫唔上忙架啦，但起碼知佢發生緊咩事，我叫做有個安心。

「⋯⋯我講左已經一早處理左⋯⋯」

Miss把聲同半個鐘之前嘅佢好大分別。除左嬲之外仲好委屈。

「⋯⋯我知家校合作好重要。但問題唔係出喺校方。家長係有絕對嘅責任⋯⋯」

火藥味開始濃。

「⋯⋯我想講好耐架啦。校方咁樣處理只會令家長得寸進尺。你識講家校合作，我地都有責任令家長學識去教好佢個仔！！呢個先叫合作！」

球館已經叫嘈，但都仲聽到Miss把聲，佢真係嬲到一個點。

「⋯⋯我唔係推卸責任⋯⋯你都唔可以將所有責任比晒我架？⋯⋯總之個學生已經有社工陪緊。所有嘢星期一再講啦！我陪緊屋企人！」





嘭！好大力Cut線，將部電話大大力啪左落張枱度。

Miss粒聲唔山走埋我身邊，拎走我手上粒波再一口氣碌出去。

崩———全中。

Miss啤左我一眼，唔出聲，佢自己又拎多粒波又碌多個全中返黎。

Miss又望左我一眼。佢惡到令我比唔到反應，到底係想我讚佢好，定安慰佢，我完全唔知。我成個人呆晒。

只見佢冷冷講左句：「到你啦！」

「係⋯⋯係⋯⋯」





女人嘅情緒真係話變就變。

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學