真人真事改篇﹕師生戀﹕《最接近的陌生距離》: 第十二章之一

「阿偉，講兩句先啦。」

「乜野呀柒頭。」

「即係咁，你媾過唔少女。其實同佢地行街應該要注意啲咩？」

「吓？你個撚樣媾女呀？嚟真架？喂⋯⋯唔係下話？真係約到出嚟？！」

「唉⋯⋯你咪嘈啦。我⋯⋯幫我『朋友』問架！ 教左我點做先啦！」





就係當晚，我同Miss各自返歸後，我忍唔住要同我老友分享我嘅興奮！ 咁當然我唔會爆係約左Miss行街。但聽阿偉咁興奮，佢十成九都估到架啦。我由細到大冇咩點同異性相處。唉，都怪自己心急，聽咩日呀，準備唔切，頭髮又一舊舊咁。

阿偉教落第一次同女去街，外觀真係要執一執，對女仔來講係尊重。咁我碌柒啦，我唔知點叫型。因為鍾意打波關係，我啲衫九成都係波衫。屌，唔撚理，盡能力做啦。

= = = =

好彩約左Miss下午時間，我上午都仲可以飛個靚髮。不過⋯⋯屌好撚危險架！剪左個柒頭仲衰過未剪！所以⋯⋯

「噗！」Miss離遠望到我已經忍笑，最後都係忍唔住笑左出聲。壓住啲笑意話：「今朝剪架？」





「哈哈⋯⋯係呀。」我好難為情咁講，唉，好柒。

「洗唔洗呀？低B仔！」Miss差住腰，唔知好嬲定好笑咁講：「你個死仔包，我日日捉你頭髮長你唔剪。但你為左今日先黎剪⋯⋯都算你啦。」

我尷尬咁笑，同時睇得出Miss都笑得好真心，由心笑出黎嗰種，唔單單係用老師身份讚賞我。

跟住Miss望一望我衣著，就擰晒頭話：「你今日約我打波呀？我唔識喎。」

「Sorry囉盈姐。」我扮投降咁：「成間屋得呢啲咋。」





「證明你興趣好窄。除左打波咩都唔識。」不過Miss總係甩唔到老師陣除，每句說話總係要教下我咁：「等陣我幫你執下啲衣著啦。」

「好呀。」

「咁今日你計劃左想去邊度玩未呀？」

「吓，行街都要計劃架咩？」

Miss聽到呢句又變到好似學校咁鬧我，嬲嬲地講：「你咁樣做男仔係唔得架！」佢呢句好似唔止鬧緊我。

「唉，你比我諗一諗。」過幾秒之後，Miss:「你鍾意打波嘛！」

「嗯嗯！」

「就同你去打波！」Miss一手橋埋黎，笑住講：「我地行啦。」





我比Miss呢下動作打左個突⋯⋯

佢⋯⋯佢橋咗隻手埋嚟佢橋咗隻手埋嚟佢橋咗隻手埋嚟！

Miss Wong 橋住咗我隻手啊！！

冇諗過佢會擺低老師身份同我橋手！ 雖然旁人睇我地似姐弟，但始終比學校嘅人睇到都會麻煩嘛！最重要知唔知係咩？

⋯

⋯⋯

我又有波邊食呀！！





Miss用好輕鬆嘅步伐帶住我，一跑一跳咁，成個形象都好活潑。 今日太陽唔猛，而係好暖暖嘅橙色。陽光照落去Miss嘅頭髮時，我見到Miss髮色啡啡紅紅咁，感覺好青春同時尚。 隨風飄黎係佢髮香同體香。原來靚嘅女仔真係有種由肌膚散發出黎嘅香味。

Miss今日嘅衣著都同平時唔同。 學校件suit係散發出佢性感嘅魅力。而今日佢唔單只化左同平時唔一樣嘅淡妝，仲著左件露肩嘅冷衫，夾一條slim fit嘅牛記，配一對白波鞋。 佢件衫仍然特顯出佢誘人嘅上圍，但最吸引我嘅並唔係呢度，而係佢雪白嘅頸、肩膀同埋鎖骨。佢今日戴左一條細細地閃閃地嘅頸鏈，為佢雪白肩膀帶黎點綴。果然識打扮嘅女人，總係有方法吸引你嘅眼睛，仲要引導你雙眼去望佢想你望嘅位置！

= = = = 

IG: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學