真人真事改篇﹕師生戀﹕《最接近的陌生距離》: 第十一章之一

可以笑下都唔錯呀。不過呢個方法都係治標唔治本，即使Miss今日笑到標晒眼水都好。第二朝起身，佢都係被唔同嘅煩惱困擾住。

我每日除咗做個好學生外，就係諗計點令Miss開心啲。近排午息佢經常被低年級同學突擊問功課，搞到冇得休息同食飯。今日我就打算幫佢擋開晒啲細路，偷啲食飯時間返嚟比佢。

點知⋯⋯

「班長，你而家要幫我做一件事。」

我一去教員室嗰層見到Miss, 招呼都未打，Miss就打斷我說話，佢個表情好少有咁焦慮。





「啊⋯⋯係咩事？」

「幫我去買Lunch. 唉⋯⋯呢幾日我忙到飯都冇時間食。」Miss一邊講一邊塞成舊水比我：「你地班衰仔囉，近排欠交又多返。我上司唔高興呀！」

「我好乖呀！Miss嘅功課我交足架…..」

「喂！」Miss個表情好似鬧緊我咪德意忘形，佢瞪左我一眼，再說：「我一陣Lunch後就開會。我而家要去追阿偉啲功課！佢今日Lunch點都要死返份作文比我！⋯⋯係呢⋯⋯你知唔知阿偉喺邊？」

「啊！佢而家喺操場打緊波呀！」 我好想奸笑出聲。Sor呀兄弟，兄弟同女人，我呢一刻我揀左女人。





Miss嘴角笑一笑，令我好眼前一亮，我話：「咁⋯⋯我幫你去小食部買飯啦。」

「下？唔好啦，食到驚啦！」Miss:「你知我食開邊啲架？上星期留你地堂嗰時我食左一間外賣⋯⋯」Miss望一望錶，就好急話：「總之就嗰間啦！我做嘢先啦！你唔好買錯呀！記你缺點呀！」

Miss一枝箭咁走左。

我心諗⋯⋯我點知你想食咩呀死港女！！

屌⋯⋯計劃唔成功之餘，仲要比佢當左工人咁洗。不過，我又心諗呢個又係搏取到好感嘅機會。喺幫Miss買外賣中途，我回想起我同Miss嘅相處係愈來愈親密。唔知點解，我有好好嘅預感⋯⋯我呢個偵測兵或者係時可以升下職。





= = = =

「冇⋯⋯⋯買錯呀嘛？」

我戰戰兢兢咁將外賣放左喺Miss前面。

Miss翹住腳坐喺位度，而家諗返佢個樣好似Yo Yo 黑鳩佢老公面嗰個樣咁。

屌，即係買錯。

Miss唔出聲，我又唔敢出聲想轉身射個三分波走人。

當我轉身嗰下，Miss好冰冷又惡咁叫我：「班長!」

我好驚咁回一回望。





「今日放學你要過黎幫我手準備中文週嘅嘢！」佢翹緊嘅腳緩慢咁換腳，令我有一秒分左心望左過去。

「收唔收到！」Miss好似知我望左佢隻腳一下，好惡咁叫住我。

「收到！！」
= = = = = 

IG: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學