真人真事改篇﹕師生戀﹕《最接近的陌生距離》: 第八章之四

我從來都未試過返學返得咁愉快！我聽晒Miss話幫手收回條同埋做「收數佬」。連我咁難搞嘅學生都比Miss收服咗！Miss之後應該會好輕鬆啦。佢咁忙、咁多嘢煩。我做返好學生，點都會幫到佢嘅。

但⋯⋯呢啲都係我一廂情願嘅想法。

正所謂一雞死，一雞鳴。當我呢個曾號稱「全級最無可救藥嘅學生」都退下火線時，咁原本排我後面嘅人就會上位，嗰個人叫「人渣添」。

「早晨呀添哥。」我行去班方嘅一角，同一個外表高瘦帥氣嘅男仔講。

「匡哥！客咩氣呀？坐低慢慢傾啦！」「人渣添」推咗張櫈埋嚟，示意我坐低。





佢個名叫利添豪，叫得佢做「人渣添」嘅都唔洗我介紹啦？

「匡哥！幾時開檔呀？我等緊你我地一齊拍住上架！」「人渣添」。

所謂「開檔」其實係以前「廢超」時代，我同「人渣添」會喺學校賣散裝煙。當然自從Miss執政之後，就冇呢支歌仔唱。

「喂，犯校規嘢唔撈啦。」我尷尬咁笑：「添哥，班會費同回條。唔該晒！」

「人渣添」哈哈一笑，帶有嘲諷意味，話：「搞錯呀匡哥，轉死性？嗱，檔嘢我就自己繼續啦！問最後一次，係咪唔洗預你先？我冇所謂呀，唔洗同人分仲好！」





「做正經嘢先啦！班會費同回條，唔該唔該！Miss罰人架啦！」

「挑！嗰個女人？理撚得佢呀！咁我唔預你架啦！」

「阿添！」此時喺門外有位中五嘅師兄企喺度叫：「快啲啦！就上堂啦屌你老母！」

「得得得！即刻嚟！」添哥無視我走到門口：「每飛五蚊！唔該晒！」

「屌你呀加咗價！上年四蚊咋喎！」





「政府加咗煙稅呀鳩頭！要幾多飛呀？」

佢地公然喺度交易，上年我頂盡都係喺花園度做賣買唧？我聽佢口吻，「人渣添」愈嚟愈似賣老翻四仔嘅keeper, 似乎佢喺出面跟咗人。而且佢應該會對Miss搞對抗。

唉⋯⋯仲以為我變好咗，Miss會好過啲添！

= = = = =

IG: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學