[細思極恐] 不連續人生: 1章 – 「昨日的我」嘅矛盾

有冇諗過︰眼前嘅世界其實係咩嚟？

我諗唔會有人懷疑過「瞓覺」呢個動作。好多人夜晚瞓覺都係滿心歡喜，攤上張床上面一覺瞓天光，擘大眼又係美好一天。但係有幾多人懷疑過︰其實「今日嘅自己」係咩概念？點樣證明有「琴日嘅自己」？如果世界本來就冇「昨日的我」，你有冇諗過呢刻嘅自己係咩一回事？

唔通你本來就並唔存在？

耷低頭望望，你會唔會忍唔住問一句︰點樣證明自己其實係自己？