我們是在自修室開始的: 開學了

不經不覺間，本想是悠長的假期，己經過得八八九九......
但這個假期所留下的價值，卻不只是幾十天的休息，還有一些鮮有觸及的知識，日常不會思考到的領會，這些東西留下的價值卻是長久的。

七月初，我第三年走在七一遊行隊伍當中，但這一年卻換來不同的戰友走下去。
到七月尾、八月初，港九各處都見到反佔中街站，目睹他們的簽名人數突破100萬，除了懷疑之外，我只能說很多港人已經冷淡了，不想再理會這些事情。
到了這一年，這個重要時刻，很多人已經決定不再發聲，有些不但沉默，更轉投了強權一方。

這是一個無奈、失望的日子。
八月三十一日，全國人大常委正式「落閘」，抹殺了香港真普選的機會。
這刻，香港人和學生依然沉默，所以......我九月一日繼續開學。



無論如何也好，未來是由自己選擇的，趁自己未冷淡便要去抉擇。這是關乎社會運動，亦關乎到兩個人之間。

我和Rebecca的身份很類似，其實沒甚麼特別，都是一個普通學生，和一個抗爭者。
回到校園，別人卻會以奇異的眼光看待「抗爭者」，會以為抗爭者就是無時無刻都只有抗爭、嗌口號和渾身熱血。
但其實抗爭者同樣是個普通人，我們同樣可以在校園裡活像一個學生，同樣可以保持冷靜、理性去面對任何人。
我們並不是甚麼英雄，我們也要食飯，也有時會累，有時候失望的。

開學第一日，我們兩所學校都會放早，所以相約了出來見面，而我們相約的地方是：旺角譚仔
其實我本身對譚仔沒有興趣，不過倘若有同學、朋友一起去食譚仔，我也偶爾會去一兩次......但對我來說，餸的選擇實在不多。


但是......我根本沒有討價還價的餘地，所以又要去食譚仔。

唉，喉嚨痛唔食得辣，又冇乜餸揀!
我：墨丸清湯
Rebecca：炸醬雞肉大辣 (嘩，洗唔洗食咁辣呀?)
我：可惜我喉嚨痛，如果唔係......
Rebecca：扮咩野喎!
我：係呢，妳返學點呀?
Rebecca：ok啦，幾好呀唔錯呀! (洗唔洗咁hea呀!)
我：咁妳會唔會好忙呀?


Rebecca：你驚我會俾人媾左呀?
我：邊係喎，我擔心我地太耐冇見面，會唔習慣或者疏遠左啫!
Rebecca：我都有咁既擔心，我地會唔會好耐冇得見面架?
我：我都唔知呀!不過下次可唔可以唔食譚仔呀??

食完譚仔之後，由於我們都暫時沒有工作，也暫時不用去溫書，所以我們都留在旺角行街。
旺角，無論平日還是紅日，抑或公眾假期也好，都有很多自由行，滿街都是行李箱和他們的「同胞」......不過旺角還是香港人主場，所以我們仍然不會放棄旺角。

有個自由行旅客的行李箱轆到Rebecca，於是......
Rebecca：你拖住個行李箱可唔可以小心d呀?睇路啦阿太!
強國女人(煲冬瓜)：我哪有撞到你呀?你們香港人是不是有病的?
Rebecca：我洗唔洗報警，再去醫院驗傷呀?
強國女人(唔咸唔淡的廣東話)：我...唔小心架!
我：算數啦，下次避開少少啦!



行到六點鐘，我倆都疲倦了!
其實我想回家的，但係......

Rebecca：你上次冇送我返屋企喎!
我：下，咁我依家送妳返去啦! (雖然我好攰不過冇辦法)
Rebecca：橫掂係咁，不如今晚喺我屋企食埋晚餐啦!
我：見家長?我冇心理準備喎!
Rebecca：點會咁突然呢?況且我阿爸長期喺大陸做生意，根本就唔得閑理我；而我阿媽就去左翻工!
我：咁邊個煮飯呀?
Rebecca：等我煮俾你試下味
我：咁......好啦好啦，一齊去買餸啦

話說我對廚藝是一竅不通的，連煮公仔麵都會煮淋晒，平時都是睇都市閒情/贊助商的飲食節目......但我對於食物是有要求的。
眼見Rebecca選擇食材，購買食材的動作，我已經預知到今晚的晚餐質素了。



去到Rebecca屋企......樓下
看更多口問了一句：你地兩個今晚玩煮飯仔呀?小心d喎!
我們都不知道怎樣回應他。

Rebecca：你坐下先啦，我好快煮完有得食架喇!
我：哦，等妳煮完都天光啦! (果陣係7點3)
Rebecca：咁你仲唔幫手?
我：我唔識整野食喎!
Rebecca：咁你都係等下啦!
我：er…

坐在梳化上，望著廚房裡的Rebecca，穿著圍裙在煮食，還有她的心思，我忽然覺得自己好幸運。

我：估唔到妳咁有廚藝天份喎!
Rebecca：係咪氹我架?


我：我認真架!
Rebecca：我唔信妳喎!
我：咁冇計啦!
Rebecca：可能過左今晚之後，我地兩個返學讀書都會好忙，可能冇乜太多時間相見，所以......
我：冇事架!我地總有機會見面架，我應承妳啦!
Rebecca：係咪真架?唔好呃我喎!
我：一得閑就出黎見面，況且我地就算溫書都可以一齊去自修室!
她臉上好像有一點點疑惑。
Rebecca：係咪ABCDEFG先?
我：A boy can do everything for girl(s)...
Rebecca：我要楊枝甘露呀唔該!

中伏...